Read new_tumbuka_bible MaSalimo 101 Bible Online

MaSalimo 101 - new_tumbuka_bible bible

MaSalimo 101

¹Salimo la Davide. Nditi ndimbenge sumu za kurumba kugomezgeka na urunji. Nditi ndimwimbiraninge imwe, Mwe FUMU.

²Nditi ndirondezgenge nthowa iyo njambula kaheni. Sono kasi mwizenge pauli kwa ine? Nditi ndiŵenge na mtima uweme mu nyumba yane.

³Nditi ndiŵike kanthu kaheni panthazi pane chara. Nkhutinkhana na milimo ya awo ŵakumurekani. Ine kuti nkhuyitemwa chara.

⁴Ŵanthu ŵa mitima yakubendera ŵaŵenge kutali nane. Nditi ndizomerezgenge chara kuti uheni uliwose ukhare mwa ine.

⁵Uyo wakuyowoyera uheni muzengezgani wakhe ku udesi, nditi ndimarane nayo. Munthu uyo wakuwoneka wakujikuzga na wakujitukumura kuti ndimurekererenge chara.

⁶Ŵanthu ŵamagomezgeko mu charu, nditi ndiŵalaŵiske na mtima wa lusungu, mwakuti ŵakharenge na ine. Awo ŵakwenda mu nthowa ziweme, ŵati ŵanditeŵeterenge.

⁷Palije munthu uyo wakuchita vya upusikizgi, mweneuyo wati wakhare mu nyumba yane. Palije munthu uyo wakuyowoya utesi, mweneuyo wati wakhare panthazi pane.

⁸Zuŵa na zuŵa ŵanthu ŵaheni wose nditi ndikome mu charu. Wose awo ŵakuchita uheni nditi ndiŵafumyemo mu msumba wa FUMU.