Read new_tumbuka_bible MaSalimo 110 Bible Online

MaSalimo 110 - new_tumbuka_bible bible

MaSalimo 110

¹Salimo la Davide. FUMU Chiuta wakati kwa Fumu yane, “Khara ku woko lane la maryero, ndisuke ndiŵazgore ŵarwani ŵako, kuŵa chitambaliro cha malundi ghako.”

²FUMU yiti yitume kufuma ku Ziyoni nthonga ya mazaza. Iyo yizamkuyowoya kuti, “Wusa mukati mu ŵarwani ŵako.”

³Ŵasilikari ŵako ŵizamkujipereka, kuti ŵarwe nkhondo, pachanya pa mapiri ghakupatulika. Kufuma ku chibabiro cha uwukirano wako, ŵizamkuŵa na ŵana, nga ndi umo jumi likwizira na mulenjelenje.

⁴FUMU yarapa, ndipo yisinthenge chara maghanoghano ghakhe ghakuti, “Ndiwe musofi kwa muyirayira, kwakuyana na ndondomeko ya usofi wa Melekizedeki.”

⁵FUMU yili ku woko lako la maryero, yizamkumara ŵakaronga mu nyengo ya ukari wakhe.

⁶Yizamkweruzga mafuko, yiti yizuzge charu cha pasi na vitanda, yiti yithereske ŵakaronga pa charu chose cha pasi.

⁷Karonga wizamkumwa maji, mu kamronga ka mu mphepete mwa nthowa. Ntheura mu kuvivya wamkwinuska mutu wakhe.