Read new_tumbuka_bible MaSalimo 111 Bible Online

MaSalimo 111 - new_tumbuka_bible bible

MaSalimo 111

¹Rumbani FUMU! Ine nditi ndiwonge FUMU na mtima wane wose mu ungano wa ŵanthu ŵarunji, mukati mu mpingo.

²Milimo ya FUMU njikuru. Wose awo ŵakukondwera nayo, ŵakulanguruka mu yeneiyo.

³Mlimo wakhe ngwa kuzura na nchindi na ufumunkhuru, ndipo urunji wakhe ukukhalirira kwa muyirayira.

⁴Yikuchita kuti milimo yakhe yakuzizwiska tiyikumbuke. FUMU nja uchizi na ya chiwuravi.

⁵Yikuŵapa vyakurya awo ŵakuyichindika, yikukumbuka phangano lakhe nyengo zose.

⁶Yarongora ŵanthu ŵakhe nkhongono ya milimo yakhe, pakuŵapa charu cha ŵanthu ŵa mafuko ghanyakhe.

⁷Milimo ya mawoko ghakhe, njakugomezgeka na ya urunji, vilayizgo vyakhe vyose nvyakugomezgeka.

⁸Ghali kukhozgeka kwa muyirayira swii, kuti ghachitikenge mwakugomezgeka na mu kunyoroka.

⁹Yikaŵawombola ŵanthu ŵakhe, yikaŵika phangano lakhe kwa muyirayira, zina lakhe ndituŵa na lakofya.

¹⁰Kopa FUMU ndi jando la mahara. Wose awo ŵakuchita malangulo ghakhe, ndiwo ŵakuŵa na vinjeru nadi. FUMU ndiyo yikwenera kurumbika kwa muyirayira.