Read new_tumbuka_bible MaSalimo 12 Bible Online

MaSalimo 12 - new_tumbuka_bible bible

MaSalimo 12

¹Kwa uyo wakwimbiska sumu. Kwakuyana na Sheminiti. Salimo la Davide. FUMU, tovwirani. Munthu muweme sono kulije, ŵakugomezgeka ŵamwalirikira waka mukati mu ŵanthu.

²Iwo ŵakuyowoya utesi ku ŵazengezgani ŵawo. Na milomo yawo, ŵakuyowoya mazgu ghakumyamyatika, ndiposo na gha mitima yiŵiri.

³FUMU yichetamiske mazgu ghose ghakumyamyatika, yirekeske lulimi lwakuyowoya mwakujikuzga.

⁴Ŵanthu awo ŵakuti, “Tizamkutonda na mazgu ghithu, mlomo tili nawo. Kasi sekuru wakutikanizga ndi njani?”

⁵Sono FUMU yikuti, “Nditi ndizenge, chifukwa ŵakavu ŵakupokeka vinthu vyawo, ŵakavu ŵakusinginika. Nditi ndiŵaŵike mu malo agho ŵakunwekera mwenemumo ŵangafwasa.”

⁶Mazgu gha FUMU ngaweme, ghali nga ndi siliva lakwengeka mu ng'anjo ya dongo, ilo latozgeka kankhonde na kaŵiri.

⁷Mwe FUMU, imwe ndimwe mutisungilire, mutivikirire ku muwiro uwu kwa muyirayira.

⁸Ŵaheni ŵakujiyendera kulikose, nga ndi umo ukazuzi ukurumbikira mukati mu ŵanthu.