Read new_tumbuka_bible MaSalimo 122 Bible Online

MaSalimo 122 - new_tumbuka_bible bible

MaSalimo 122

¹Sumu yakwimba pakukwerera ku Yerusalemu. Ya Davide. Nkhasekerera para ŵakandiphalira kuti, “Tiyeni, tirute ku Nyumba ya FUMU!”

²Sono malundi ghithu ghakwimilira, mukati mu vipata vyako, iwe Yerusalemu.

³Yerusalemu ndi msumba wakuzengeka makora, uwo vigaŵa vyakhe vili kukorana pamoza nganganga.

⁴Kwenekuko ndiko mafuko ghakukwerera, gheneagho ndi mafuko gha FUMU, kuya karumba zina la FUMU, nga ndi umo kuli kulangulukira ku ŵaIsraele,

⁵Kwenekuko kuli kuŵikika vizumbe vya kweruzgirapo, vizumbe vya mbumba ya Davide.

⁶Romberani mutende wa Yerusalemu, muti, “Ŵasakatenge awo ŵakutemwa iwe!

⁷Mutende uŵenge mu malinga ghako, chivikiriro mu nyumba zako za ufumu.”

⁸Chifukwa cha ŵabali ŵane na ŵabwezi ŵane, nditi ndiyowoyenge kuti, “Mutende uŵenge mwa iwe!”

⁹Chifukwa cha Nyumba ya FUMU, Chiuta withu, ndizamkukukhumbira iwe viweme.