Read new_tumbuka_bible MaSalimo 124 Bible Online

MaSalimo 124 - new_tumbuka_bible bible

MaSalimo 124

¹Sumu yakwimba pakukwerera ku Yerusalemu. Ya Davide. FUMU yiŵavyenge kuŵa nase pamoza, Israele mphanyi wanguyowoya sono.

²FUMU yiŵavyenge kuŵa nase pamoza, para ŵarwani ŵakatiwukira,

³mphanyi ŵakatimira waka ta ŵamoyo, para ukari wawo ukagoleranga pa ise,

⁴mphanyi chigumura chikatikukulira kutali, mphanyi mwezga ukatibizga,

⁵mphanyi maji gha nkhongono ghakatibizga.

⁶Yirumbike FUMU, iyo yilije kutipereka ise kuti ŵarwani ŵithu ŵatimare.

⁷Tafwanthamuka nga nkhayuni, mu chipingo cha awo ŵakuthya. Chipingo chaphyoka, ndipo ise tawomboleka.

⁸Wovwiri withu ukufuma kwa FUMU, iyo yikalenga kuchanya na charu cha pasi.