Read new_tumbuka_bible MaSalimo 126 Bible Online

MaSalimo 126 - new_tumbuka_bible bible

MaSalimo 126

¹Sumu yakwimba pakukwerera ku Yerusalemu. Para FUMU yikawezgera mauweme ku Ziyoni, kukaŵa nga ndi maloto kwa awo ŵakakorekera ku umikori.

²Ise tikasekerera chomene, ndipo tikalulutira na chimwemwe. Penepapo ŵamitundu ŵakayowoyanga kuti, “FUMU yaŵachitira vinthu vikuru.”

³Nadi, FUMU yatichitira vinthu vikuru, ndipo ise tikusekerera.

⁴Mutiwezgereso mauweme ghithu, Mwe FUMU, tiŵe nga ndi mironga ya ku mwera.

⁵Ŵanthu awo ŵakuseŵa uku ŵakulira, ŵati ŵavunenge na chimwemwe.

⁶Munthu uyo wakwenda uku wakulira, uku wayegha mbuto ya kukaseŵa, wati wawere ku kaya na kululutira, uku wayegha mizigho yakhe.