Read new_tumbuka_bible MaSalimo 136 Bible Online

MaSalimo 136 - new_tumbuka_bible bible

MaSalimo 136

¹Wongani FUMU, pakuti njiweme, chifukwa chisungusungu chakhe, chikukhalirira kwa muyirayira.

²Wongani Chiuta wa ŵachiuta wose, chifukwa chisungusungu chakhe, chikukhalirira kwa muyirayira.

³Wongani Fumu ya mafumu, chifukwa chisungusungu chakhe, chikukhalirira kwa muyirayira.

⁴FUMU yekha na yekha, yikuchita vya minthondwe vikuru, chifukwa chisungusungu chakhe, chikukhalirira kwa muyirayira.

⁵Yeneiyo yikalenga vya kuchanya na vinjeru vyakhe, chifukwa chisungusungu chakhe, chikukhalirira kwa muyirayira.

⁶Fumu iyo yikatandika charu cha pasi pa maji, chifukwa chisungusungu chakhe, chikukhalirira kwa muyirayira.

⁷FUMU ndiyo yikalenga maungweru ghakuru, chifukwa chisungusungu chakhe, chikukhalirira kwa muyirayira.

⁸Yikalenga dazi kuti liwusenge muhanya, chifukwa chisungusungu chakhe, chikukhalirira kwa muyirayira.

⁹Mwezi na nyenyezi kuti viwusenge usiku, chifukwa chisungusungu chakhe, chikukhalirira kwa muyirayira.

¹⁰FUMU ndiyo yikakoma ŵana ŵa uŵere mu Eguputo, chifukwa chisungusungu chakhe chikukhalirira kwa muyirayira.

¹¹Ndiyo yikafumya ŵaIsraele mukati mwawo, chifukwa chisungusungu chakhe, chikukhalirira kwa muyirayira.

¹²Yikaŵafumya na woko lankhongono na lakutambazuka, chifukwa chisungusungu chakhe, chikukhalirira kwa muyirayira.

¹³FUMU ndiyo yikapatula maji, gha Nyanja ya Matete, chifukwa chisungusungu chakhe, chikukhalirira kwa muyirayira.

¹⁴FUMU ndiyo yikambuska ŵaIsraele pakati pakhe, chifukwa chisungusungu chakhe, chikukhalirira kwa muyirayira.

¹⁵Kweni yikabizga Faro pamoza na vitha vyakhe, mu Nyanja ya Matete, chifukwa chisungusungu chakhe, chikukhalirira kwa muyirayira.

¹⁶FUMU ndiyo yikarongozga, ŵanthu ŵakhe mu mapopa, chifukwa chisungusungu chakhe, chikukhalirira kwa muyirayira.

¹⁷FUMU ndiyo yikakoma ŵakaronga ŵankhongono, chifukwa chisungusungu chakhe, chikukhalirira kwa muyirayira.

¹⁸Yikakoma ŵakaronga ŵakumanyikwa, chifukwa chisungusungu chakhe, chikukhalirira kwa muyirayira.

¹⁹Sihoni, karonga wa ŵaAmori, chifukwa chisungusungu chakhe, chikukhalirira kwa muyirayira.

²⁰Na Ogi, karonga wa charu cha Bashani, chifukwa chisungusungu chakhe, chikukhalirira kwa muyirayira.

²¹Yikapereka charu chawo ku ŵaIsraele kuŵa chiharo, chifukwa chisungusungu chakhe, chikukhalirira kwa muyirayira.

²²Kuŵa chiharo cha muteŵeti wakhe Israele, chifukwa chisungusungu chakhe, chikukhalirira kwa muyirayira.

²³FUMU ndiyo yikatikumbuka mu kuyuyurika kwithu, chifukwa chisungusungu chakhe, chikukhalirira kwa muyirayira.

²⁴FUMU ndiyo yikatithaska ku ŵarwani ŵithu, chifukwa chisungusungu chakhe, chikukhalirira kwa muyirayira.

²⁵FUMU ndiyo yikupereka chakurya ku vyamoyo vyose, chifukwa chisungusungu chakhe, chikukhalirira kwa muyirayira.

²⁶Wongani Chiuta wa kuchanya, chifukwa chisungusungu chakhe, chikukhalirira kwa muyirayira.