Read new_tumbuka_bible MaSalimo 137 Bible Online

MaSalimo 137 - new_tumbuka_bible bible

MaSalimo 137

¹Tikakhara pasi na kulira, mu mphepete mwa mironga ya ku Babuloni, para tikakumbuka Ziyoni.

²Kwenekura tikapayika viding'indi vyithu, mu makuni gha katope.

³Kwenekura awo ŵakatikora kuŵa ŵamikori, ŵakakhumba kuti tiŵimbire sumu. Awo ŵakatisuzganga ŵakakhumba kuti tiŵakondweskenge. Iwo ŵakati, “Mutiyimbirepo sumu za ku Ziyoni.”

⁴Kasi tingimba uli sumu ya FUMU, mu charu cha chilendo?

⁵Usange nkhuruwa iwe Yerusalemu, ipo woko lane la maryero liphape.

⁶Lulimi lwane nalo ludemerere, ku chavu cha mlomo wane, usange nkhureka kukukumbuka iwe, na kureka kughanaghanako iwe Yerusalemu, kuti ukundipa chimwemwe chakuruska.

⁷Mwe FUMU, mureke kuruwa, ivyo ŵakachita ŵaEdomu, pa zuŵa ilo Yerusalemu wakabwangandukira, para iwo ŵakatenge, “Bwangandulani, bwangandulani, mpaka pa lufura lwakhe!”

⁸Iwe msumba wa Babuloni, ukwenera kupankhuka! Wizamkuŵa wakutumbikika, uyo wizamkukuwezgera nduzga, pa ivyo watichitira ise.

⁹Ngwakutumbikika ndi uyo wizamkutora twana twako, na kutubwaskira ku jarawe.