Read new_tumbuka_bible MaSalimo 138 Bible Online

MaSalimo 138 - new_tumbuka_bible bible

MaSalimo 138

¹Salimo la Davide. Ine nditi ndimuwongani imwe, Mwe FUMU, na mtima wane wose, nditi ndimbe sumu za kumurumbani, panthazi pa ŵachiuta.

²Nditi ndimusopani pakusindama chisko chane, kurazga ku nyumba yinu yakupatulika, na kurumba zina linu, chifukwa cha chisungusungu chinu, na kugomezgeka kwinu, mwakwezga zina linu na mazgu ghinu, kuruska vinthu vinyakhe vyose.

³Pa zuŵa ilo nkhachemerezgera, imwe mukandizgora, mukandizgora kuŵa wa chikanga na wankhongono.

⁴Ŵakaronga wose ŵa mu charu cha pasi, ŵakumurumbani imwe, Mwe FUMU, para ŵakupulika mazgu agho imwe mukuyowoya.

⁵Ŵimbenge sumu za kurumba nthowa za FUMU, chifukwa uchindami wa FUMU ngukuru.

⁶Nanga FUMU yili pachanya nkhanira, ndipouli yikupwererera vichwapi, kweni ŵakujikuzga yikuŵamanyira patali.

⁷Nanga ndingenda mukati mu visuzgo, imwe mukusungilira umoyo wane. Mukunyoroska woko linu kwimikana na ukari wa ŵarwani ŵane, ndipo na woko linu la maryero mukuthaska.

⁸FUMU yiti yifiskenge chakurata chakhe pa ine, chisungusungu chinu, Mwe FUMU, chikukhalirira kwa muyirayira. Mureke kuruwa mlimo wa mawoko ghinu.