Read new_tumbuka_bible MaSalimo 14 Bible Online

MaSalimo 14 - new_tumbuka_bible bible

MaSalimo 14

¹Kwa uyo wakwimbiska sumu. Salimo la Davide. Wakupusa wakuti mu mtima wakhe, “Chiuta kulije.” Ŵanthu ŵa ntheura mbakubendera, ŵakuchita milimo ya ukazuzi. Palije na yumoza uyo wakuchita uweme.

²FUMU yikulaŵiska pasi pa ŵanthu kufumira kuchanya, kuti yiwone usange walipo yumoza wa vinjeru, uyo wakumupenja nadi Chiuta.

³Kweni wose ŵapururuka, wose pamoza ŵakuchita ubendezi. Palije na yumoza uyo wakuchita uweme. Chara nadi! Palije nanga njumoza.

⁴Kasi ŵalije vinjeru wose awo ŵakuchita uheni? Iwo ŵakumirimitizga ŵanthu ŵane, nga ndi para ŵakurya chakurya ndipo kuti ŵakuyisopa FUMU chara.

⁵Sono kwenekura ŵati ŵaŵenge mu wofi ukuru, chifukwa Chiuta wali pamoza na awo mbarunji.

⁶Imwe ŵanthu ŵaheni mukuyezga kutimbanizga unozgero wa ŵakavu, kweni FUMU ndiyo mphanji yawo.

⁷Mbaya mwe, mphanyi kuthaskika kwa ŵaIsraele, kwiza kufuma mu Ziyoni! Para FUMU yikuwezgera mauweme ku ŵanthu ŵakhe, Yakhobe wati wasekerere, Israele wati wakondwe.