Read new_tumbuka_bible MaSalimo 141 Bible Online

MaSalimo 141 - new_tumbuka_bible bible

MaSalimo 141

¹Salimo la Davide. Nkhuchemerezga kwa imwe, Mwe FUMU! Mwendeske kwiza kwa ine. Tegherezgani khutu kuti mupulike mazgu ghane, para nkhuromba kwa imwe.

²Lurombo lwane luŵe nga vyakununkhira panthazi pinu, kukwezga kwa mawoko ghane, kuŵe nga ndi sembe ya na mise.

³Ŵikani mulinda pa mlomo wane, Mwe FUMU. Imwe ndimwe muŵe mulinda wa mlomo wane.

⁴Mureke kuzomera chara kuti mtima urazge ku uheni, kujitangwaniska pakuchita milimo yiheni, pamoza na ŵanthu awo ŵakuchita vya ubendezi, Ndireke kurya nawo vya manuni vyawo.

⁵Chingaŵa chiweme kutimbika na murunji, panji kuchenyeka na wa lusungu. Kweni ndireke kupokera nchindi kufuma ku ŵabendezi, pakuti nyengo zose lurombo lwane, ndwa kwimikana na milimo ya ŵanthu ŵaheni.

⁶Para ŵaheni ŵaperekeka ku awo ŵaŵasuskenge, ŵati ŵasambire kuti mazgu gha FUMU nga unenesko.

⁷Umo munthu wakulimira na kuswera vibumira vya dongo, ndimo viwangwa vyawo, vizamkuparanyikira pa muryango wa dindi.

⁸Kweni maso ghane ghali pa imwe, Mwe FUMU Chiuta, mwa imwe ndimo nkhubisama, mungarekanga chara kuti ndireke kuvikiririka.

⁹Mundithaske ku chipingo icho ŵandithyera, ku misampha ya awo ŵakuchita uheni.

¹⁰Ŵaheni wose ŵawire pamoza mu ukonde wawo, kweni ine ndijumphepo makora ghene.