Read new_tumbuka_bible MaSalimo 142 Bible Online

MaSalimo 142 - new_tumbuka_bible bible

MaSalimo 142

¹Sumu ya Davide, apo wakaŵa mu mphanji. Lurombo. Nkhulira mwakucherezga kwa FUMU, nkhuŵeyerera lusungu lwa FUMU mwakuchemerezga.

²Nkhupereka masinginiko ghane panthazi pakhe, nkhuphara visuzgo vyane kwa iyo.

³Para mzimu wane waropwa, imwe mukumanya umo ndingachitira. Ŵarwani ŵandithyera chipingo pakubisika, mu nthowa iyo nkhwendamo.

⁴Para ndalaŵiska ku maryero na kuwona, kulije na yumoza uyo wakulorako vya ine. Kulije uko ndingabisamako, kulije munthu wakupwererako na za ine.

⁵Ine nkhulirira kwa imwe, Mwe FUMU, nkhuti, “Imwe ndimwe chakubisamamo chane, phande lane mu charu cha ŵamoyo.

⁶Pulikani kulira kwane, pakuti ndayuyurika chomene. Mundithaske ku awo ŵakundizikizga, pakuti mba nkhongono chomene kuruska ine.

⁷Mundifumiske mu gadi, mwakuti ndiwonge zina linu. Penepapo ŵarunji ŵati ŵandizingirizge, chifukwa mwandichitira vinthu viweme vinandi.”