Read new_tumbuka_bible MaSalimo 2 Bible Online

MaSalimo 2 - new_tumbuka_bible bible

MaSalimo 2

¹Kasi nchifukwa uli ŵamitundu ŵakupangana kugaruka? Kasi nchifukwa uli ŵanthu ŵakupangana vyawakawaka?

²Ŵakaronga ŵa mu charu ŵakunozgeka, ŵakuwusa ŵakupangana pamoza, kwimikana na FUMU na wakuphakazgika ŵakhe yura.

³Iwo ŵakuti, “Tiyeni tisutule magwede ghawo, tiyeni titaye maunyoro ghawo.”

⁴Uyo wakukhara pa chizumbe kuchanya wakuŵaseka, FUMU yikuŵapepura.

⁵Ntheura yiti yiŵachenye mu ukari, yiti yiŵawofye mu kucheruka kwakhe.

⁶Yiti yiyowoye kuti, “Ine ndimika karonga wane pa Ziyoni, phiri lane lakupatulika.”

⁷Sono karonga yura wakuti, “Nditi ndiphare icho FUMU yalangula.” Yandiyowoyera kuti, “Iwe ndiwe mwana wane, muhanya uno ndakubaba.”

⁸Undirombe, ndipo nditi ndizgore ŵamitundu kuŵa chiharo chako, charu chose cha pasi kuŵa chako na chako.

⁹Uti uŵathereske na ndodo ya chisulo, uti uŵatekenyule tuchokotuchoko, nga ndi nchiŵiya cha dongo.

¹⁰Ntheura imwe ŵakaronga, muŵe ŵamahara, imwe ŵakuwusa ŵa charu, muchenjere.

¹¹Teŵeterani FUMU na wofi, ndiposo na kutenthema.

¹²Perekani nchindi kwa iyo mzire wakaripe, ndipo imwe mumare petu mu nthowa, pakuti ukari wakhe ukugolera luŵiro. Mbakutumbikika wose awo ŵakuchimbilira kwa iyo.