Read new_tumbuka_bible MaSalimo 24 Bible Online

MaSalimo 24 - new_tumbuka_bible bible

MaSalimo 24

¹Salimo la Davide. Charu cha pasi na vyose ivyo vilimo ndi vya FUMU, charu na awo ŵakukhara mwenemumo ndi vyakhe.

²Chifukwa iyo ndiyo wakachikhazika pa zinyanja, na kuchikhozga pa mironga yikuru.

³Kasi ndi njani uyo wangakwera Phiri la FUMU? Kasi ndi njani uyo wangima mu malo ghakhe ghakupatulika?

⁴Ndi mweneuyo wali na mawoko ghakuphotoka, na mtima wakutowa. Ndi mweneuyo wakureka kukhumbira vya waka, nanga nkhurapa mwakupusika.

⁵Wa ntheura wati wapokere vitumbiko kufuma kwa FUMU, na urunji wa Chiuta, Muponoski wakhe.

⁶Ŵa ntheura ndiwo ŵakupenja nadi FUMU, ndiwo ŵakwiza kwiza kapenja imwe, mwe Chiuta wa Yakhobe.

⁷Jurani vipata vya msumba, julani vijaro vya mwaka, mwakuti Karonga wa uchindami ŵanjire.

⁸Kasi karonga wa uchindami ndi njani? Ndi FUMU ya nkhongono na ya mazaza, FUMU ndiyo chinkhara mu nkhondo.

⁹Jurani vipata vya msumba. Jurani vijaro vya mwaka, mwakuti karonga wa uchindami wanjire.

¹⁰Kasi ndi njani Karonga uyu wa uchindami? Ndi FUMU Mwenenkhongono zose, ndi Karonga wa uchindami.