Read new_tumbuka_bible MaSalimo 26 Bible Online

MaSalimo 26 - new_tumbuka_bible bible

MaSalimo 26

¹Salimo la Davide. Mwe FUMU, rongorani kuti ine ndilije kafukwa, pakuti nkhwenda mwakunyoroka. Nkhugomezga imwe FUMU kwambula kukayika.

²Ndisandani, Mwe FUMU ndipo mundiyezge. Pimani mtima wane na maghanoghano ghane.

³Pakuti chisungusungu chinu chikundidangirira, ndipo nkhwenda mu kugomezgeka kwa imwe.

⁴Ine nkhukhara pamoza na ŵatesi chara, nanga nkhurongozgana na ŵapusikizgi.

⁵Nkhutinkha ŵanthu awo ŵakuchita uheni, kuti ndikharenge pamoza na ŵakwananga chara.

⁶Nkhugeza mu mawoko, kurongora kuti ndili wambula kafukwa, nkhuteŵetera jochero linu, Mwe FUMU.

⁷Nkhwimba chomene sumu yakuwonga, ndipo nkhupharazga milimo yinu yakuzizwiska.

⁸Mwe FUMU, nkhutemwa nyumba iyo mukukharamo, malo agho mukukhara uchindami winu.

⁹Mureke kundimalira lumoza na ŵakwananga, nanga mbumoyo wane pamoza na ŵakukoma ŵanyawo.

¹⁰Ŵanthu awo mawoko ghawo ghakuchita uheni, awo mawoko ghawo gha maryero, muli kuzura vimbundi.

¹¹Kweni ine nkhwenda mu umoyo uweme, mundiwombole na kundilengera lusungu.

¹²Ine ndayimilira pa malo ghakuti skee, mu maungano ghakuru, nditi ndimurumbe FUMU.