Read new_tumbuka_bible MaSalimo 28 Bible Online

MaSalimo 28 - new_tumbuka_bible bible

MaSalimo 28

¹Salimo la Davide. Mwe FUMU, ine nkhuchemerezga kwa imwe. Imwe Jarawe lane, mungandikhaliranga chete chara. Usange mukukhara waka chete, ndikozganenge waka na awo ŵakukhilira ku dindi.

²Pulikani mazgu gha kuŵeya kwane, para nkhulira kwa imwe kuti mundovwire, apo nkhumusopani pakukwezga mawoko ghane, ku malo ghinu ghakupatulika nkhanira.

³Mureke kunditayira kumoza na ŵaheni, ndiposo na awo ŵakuchita mauheni. Iwo ŵakuyowoya vya mutende ku ŵabali ŵawo, kweni mu mitima yawo mwazura tinkho.

⁴Muŵawezgere ŵa ntheura kwakuyana na milimo yawo, muŵalange kwakuyana na uheni wa milimo yawo. Muŵawezgere kwakuyana na milimo ya mawoko ghawo, muŵape njombe iyo njakwenerera.

⁵Pakuti ŵakulorako na milimo ya FUMU chara, nesi ivyo iyo yili kulenga. FUMU yiti yiŵabwangandulire pasi, kwambula kuŵazengaso.

⁶Yirumbike FUMU, pakuti yapulika mazgu gha kuŵeya kwane.

⁷FUMU ndiyo nkhongono yane, na chiskango chane chakundivikirira. Mtima wane ukugomezga iyo. Ine ndovwirika, ntheura mtima wane ukusekerera, ndipo nkhuwonga iyo pakwimba sumu yane.

⁸FUMU ndiyo nkhongono ya ŵanthu ŵakhe, ndiyo linga la chiponosko cha wakuphakazgika wakhe.

⁹Thaskani ŵanthu ŵinu, ndipo muŵatumbike awo mukaŵasora, muŵe mliska wawo na kuŵasungilira kwa muyirayira.