Read new_tumbuka_bible MaSalimo 3 Bible Online

MaSalimo 3 - new_tumbuka_bible bible

MaSalimo 3

¹Salimo la Davide wati wachimbira Abisalomu, mwana wakhe. Mwe FUMU, nako nkhwandana kwa ŵarwani ŵane! Mbanandi awo ŵakundiwukira.

²Ŵanthu ŵanandi ŵakuyowoya za ine ŵakuti, “Chiuta kuti wamuthaskenge chara.”

³Kweni imwe, Mwe FUMU, ndimwe nguru yane, ndimwe uchindami wane, ndipo mukundiwuska nkhumbi.

⁴Ine nkhuchemerezga kwa FUMU, yikundizgora kufuma pa phiri lakhe lakupatulika.

⁵Nkhugona pasi na kuŵa mu tulo, nkhuwukaso chifukwa FUMU yikundivikirira.

⁶Ine kuti nkhopa unandi wa ŵarwani ŵane chara, awo ŵandanda kwimikana nane kufuma kosekose.

⁷Wukani, Mwe FUMU! Ndithaskani, Mwe Chiuta wane! Pakuti ŵarwani ŵane wose mukuŵapamantha, ŵanthu ŵaheni mukuŵakhula mino.

⁸Chiponosko ncha Imwe, Mwe FUMU, vitumbiko vyinu viŵe pa ŵanthu ŵinu.