Read new_tumbuka_bible MaSalimo 32 Bible Online

MaSalimo 32 - new_tumbuka_bible bible

MaSalimo 32

¹Salimo la Davide. Sumu. Ngwakutumbikika munthu, uyo maubendezi ghakhe ghagowokereka, uyo zakwananga zakhe zawundika.

²Ngwakutumbikika munthu uyo FUMU yikumukonthora kwananga kwakhe chara, uyo mu mtima wakhe mulije utesi.

³Para nkhareka kuzomera kwananga kwane, thupi lane likaghandanga, chifukwa cha kutampha zuŵa lose.

⁴Muhanya na usiku, woko linu likandinyekezga. Nkhongono zane zikamara, nga ndi chinyezi mu chithukivu cha chihanya.

⁵Nkhazomera kwananga kwane kwa imwe, kuti nkhabisa ubendezi wane chara. Nkhati, “Nditi ndizomere majuvyo ghane kwa FUMU.” Penepapo mukandigowokera uheni wa kwananga kwane.

⁶Ntheura yose uyo ndi murunji warombe kwa imwe, pa nyengo ya visuzgo iyo imwe mungasangika. Nadi, para maji ghasapalira, vyose kuti vimufikenge chara.

⁷Imwe ndimwe chakubisamamo chane, ndimwe mukundivikikira mu nyengo ya masuzgo. Ndicho chifukwa nkhuyimba sumu, za kurumba kuthaska kwinu.

⁸Nditi ndikunjirikizge na kukusambizga, nthowa iyo ukwenera kwendamo, nditi ndikurongozgenge na kukusungilira.

⁹Ungaŵanga nga ndi hachi, panji nga ndi mbunda chara, ivyo nvyambula mahara. Vyeneivi vikurongozgeka na tuvisulo na vinkhowa, mwakuti vireke kupatuka na kuchimbira.

¹⁰Ŵaheni ŵakuŵa na maurwirwi ghanandi, Kweni chisungusungu cha FUMU, chikuŵa pa munthu uyo wakugomezga FUMU.

¹¹Imwe mwa ŵarunji, kondwani mwa FUMU na kusekerera. Mose imwe muli ŵarunji mu mtima, pomani na chimwemwe.