Read new_tumbuka_bible MaSalimo 4 Bible Online

MaSalimo 4 - new_tumbuka_bible bible

MaSalimo 4

¹Kwa uyo wakwimbiska sumu. Yakwimbira bango. Salimo la Davide. Para nkhuchema kwa imwe, mundizgore, Mwe Chiuta, murunji wane. Para nkhafinyikizgika mukwiza kandovwira, mundilengere lusungu na kupulika lurombo lwane.

²Imwe mwa ŵanthu, kasi mundiyuyurenge mpaka pauli? Kasi mutemwenge mazgu ghawakawaka mpaka pauli? Kasi murondezgenge vya utesi mpaka pauli?

³Kweni manyani kuti FUMU yajipatulira yekha uyo ndi murunji. FUMU yikundipulika para nkhuromba kwa iyo.

⁴Wopani kuti mureke kwananga. Para muli pa vitara vyinu, mulanguruke mu mitima yinu ndipo mukhare chete.

⁵Perekani sembe zakwenerera, ŵikani chigomezgo chinu mwa FUMU.

⁶Pali ŵanandi awo ŵakuti, “Ndi njani wangatiwoneska kanthu kaweme? Mwe FUMU, mutilaŵiske na ungweru wa chisko chinu!”

⁷Mwandikondweska chomene mu mtima wane, kuruska ŵanthu awo ŵali na vyakurya na vyakumwa vinandi.

⁸Mu mutende nditi ndigone pasi na kuŵa mu tulo, pakuti imwe mwekha, Mwe FUMU, ndimwe mukundikhazika pa malo gha mutende.