Read new_tumbuka_bible MaSalimo 48 Bible Online

MaSalimo 48 - new_tumbuka_bible bible

MaSalimo 48

¹Sumu. Salimo la ŵana ŵa Kora. FUMU njikuru ndipo yikwenera kurumbika chomene. Tiyirumbe mu msumba wa Chiuta withu, pa phiri lakhe lakupatulika.

²Phiri lakutowa mu kutumphuskika kwakhe, ndilo likupereka chimwemwe pa charu chose cha pasi. Phiri la Ziyoni ilo liri ku mpoto nkhanira, ndi msumba wa Karonga mukuru.

³Mukati mu vipinda vyakhe vyakuphokweramo, Chiuta wajirongora iyomwene kuŵa linga lakugomezgeka.

⁴Ŵakaronga ŵakawungana, ŵakakhumba kurwa nawo nkhondo pamoza.

⁵Maluŵiro ŵakati ŵawuwona, ŵakazukuma. Ŵakachita wofi na kuchimbira.

⁶Iwo ŵakambwambwantha penepara, ndipo vyakuŵinya vikaŵakora nga ndi mwanakazi para wakubaba.

⁷Na mphepo ya ku vuma imwe mukaswa ngaraŵa za ku Tarishishi.

⁸Ivyo ise tikapulika ndivyo tajiwonera tekha, mu msumba wa FUMU Mwenenkhongono zose, msumba wa Chiuta withu weneuwo Chiuta wali kuwukhozga kwa muyirayira.

⁹Para tili mu nyumba yinu, Mwe Chiuta, tikughanaghana na chisungusungu chinu.

¹⁰Mwe Chiuta, umo zina linu likumanyikwira pa charu chose, ndimo ŵanthu ŵakumurumbirani posepose. Woko linu lankhongono likuvivya nyengo zose.

¹¹Ŵanthu ŵa mu Ziyoni ŵasekerere. ŴaYuda ŵakondwenge, chifukwa cha weruzgi winu wakunyoroka.

¹²Yendani waka mu Ziyoni, inya yendani muzingilire msumba wose, ndipo mupende vigongwe vyose.

¹³Mughaŵanike malinga ghakhe, sorotani mukati mu nyumba zakhe za ufumu, mwakuti mwiza kayiphalirenge miwiro iyo yikwiza kunthazi.

¹⁴Mwizamkuyowoya kuti, “Uyu ndiyo Chiuta. Ndi Chiuta withu kwa muyirayira swii! Iyo wati watirongozgenge nyengo zose.”