Read new_tumbuka_bible MaSalimo 5 Bible Online

MaSalimo 5 - new_tumbuka_bible bible

MaSalimo 5

¹Kwa uyo wakwimbiska sumu: Yakwimbira fyoliro. Salimo la Davide. Mwe FUMU, tegherezgani ku mazgu ghane, pulikani kutampha kwane.

²Imwe Karonga wane na Chiuta wane, pulikani mazgu gha kulira kwane, pakuti kwa imwe ndiko ine nkhuromba.

³Na mulenje, Mwe FUMU, mukupulika mazgu ghane. Na mulenjelenje nkhuromba kwa imwe, na kulindizga kuti mundizgore.

⁴Imwe ndimwe Chiuta uyo wakucha na kwananga chara. Imwe mukukhumba chara kuti uheni ukhare pamoza na imwe.

⁵Ŵakujikuzga kuti ŵangima panthazi pinu chara, imwe mukutinkha wose awo ŵakuchita uheni.

⁶Imwe mukuŵamara awo ŵakuyowoya utesi, FUMU yikuŵanyanyara awo ndi vikozi na ŵapusikizgi.

⁷Kweni ine ndamkunjira mu nyumba yinu, chifukwa cha kuzara kwa chisungusungu chinu. Mu nchindi ndamkujikama na kusopa pakurazga ku nyumba yinu yakupatulika.

⁸Mundirongozge, Mwe FUMU, mu urunji winu, chifukwa cha ŵarwani ŵane. Nyoroskani nthowa yinu panthazi pane.

⁹Icho ŵarwani ŵane ŵakuyowoya mbutesi pera, mitima yawo njakuparanya pera. Vigoromiro vyawo ndi madindi gha mwazi, na malulimi ghawo ŵakuyowoya upusikizgi.

¹⁰Mwe Chiuta, muŵasuske kuti ŵali na mrandu, rekani ŵawire mu mauheni agho ŵakunozgekera kuchita. Muŵataye kuwaro chifukwa cha kwananga kwawo kunandinandi, pakuti ŵali kumugarukirani imwe.

¹¹Kweni awo ŵakuchimbilira kwa imwe ŵakondwenge, zomerezgani kuti ŵimbenge mu chimwemwe muyirayira. Muŵavikirire ndimwe, mwakuti awo ŵakutemwa zina linu ŵakondwere mwa imwe.

¹²Pakuti mukutumbika ŵanthu ŵarunji, Mwe FUMU, mukuŵavikirira na kutemwa kwinu nga ndi nguru.