Read new_tumbuka_bible MaSalimo 54 Bible Online

MaSalimo 54 - new_tumbuka_bible bible

MaSalimo 54

¹Kwa uyo wakwimbiska sumu: Wimbire bango. Sumu ya Davide, para ŵa fuko la Zifu ŵakaruta kuya kaphalira Sauli kuti, “Davide wakubisama mukati mwawo”. Mwe Chiuta, ndiponoskani na nkhongono ya zina linu, ndipo rongorani na nkhongono yinu kuti ndilije mrandu.

²Mwe Chiuta, pulikani lurombo lwane, ndipo tegherezgani khutu ku mazgu agho nkhuyowoya.

³Pakuti ŵanthu ŵamutafu ŵandiwukira, ndipo ŵanthu ŵankhaza ŵakupenja kundikoma. Iwo kuti ŵakulorako na Chiuta chara.

⁴Wona, Chiuta ndiyo movwiri wane. Fumu ndiyo yikusungilira umoyo wane.

⁵Iyo wati waŵawezgere uheni ŵarwani ŵane. Muŵamare petu chifukwa ndimwe ŵakugomezgeka.

⁶Nditi ndipereke sembe kwa imwe na mtima wane wose. Nditi ndiwonge zina, Mwe FUMU, pakuti imwe ndimwe ŵaweme.

⁷Imwe ndimwe mwandithaska mu visuzgo vyane vyose, ndipo ndawona ndekha kuvivya kwinu pa ŵarwani ŵane.