Read new_tumbuka_bible MaSalimo 57 Bible Online

MaSalimo 57 - new_tumbuka_bible bible

MaSalimo 57

¹Kwa uyo wakwimbiska sumu. Kwakuyana na kimbiro ka sumu yakuti, “Mureke kuparanya.” Salimo la Davide la mtundu wa Mikitamu para wakachimbira Sauli na kuya kanjira ku mphanji. Mundichitire lusungu, Mwe Chiuta, mundichitire lusungu, chifukwa kwa imwe ndiko ine nkhubisama. Nditi ndibisamenge nadi mu mufwiri wa mapapindo ghinu, visuke vijumphe vimphupuru ivyo vikukoma.

²Nkhulira kwa Chiuta Chikurukuru, kwa Chiuta uyo wakufiska urato wakhe pa ine.

³Wati wandizgore kufumira kuchanya na kundithaska. Wati waŵakhozge soni awo ŵakundikandira pasi. Chiuta wati warongore chisungusungu chakhe, ndiposo na kugomezgeka kwakhe.

⁴Nkhugona pakati pa ŵarwani awo ŵali nga ndi nkharamu izo zikurya ŵanthu. Mino ghawo ghali nga ndi mikondo na mivwi, malulimi ghawo ghali nga lupanga lwakuthwa.

⁵Mwe Chiuta mutumphuskike pachanya pa mitambo! Uchindami winu uŵe pa charu chose.

⁶Iwo ŵakathyera ukonde malundi ghane. Mtima wane ukasuzgika chomene. Ŵakajima mbuna mu nthowa yane, kweni ŵakawamo ŵekha.

⁷Mwe Chiuta, mtima wane wakhozgeka. Nadi, mtima wane wakhozgeka. Nditi ndimbenge sumu na kumurumbani.

⁸Pamphuka, wa mzimu wane! Pamphukani, imwe chiding'indi na bango! Nditi ndipamphuske matandakucha na sumu.

⁹Nditi ndimuwongani imwe, Mwe FUMU, mukati mu mafuko. Nditi ndimbenge marumbo mukati mu mitundu yose.

¹⁰Pakuti chisungusungu chinu nchikuru kuya kafika kuchanya, ndipo kugomezgeka kwinu kukuya kafika ku maŵingu.

¹¹Mwe Chiuta, mutumphuskike pachanya pa mitambo. Uchindami winu uŵe pa charu chose cha pasi.