Read new_tumbuka_bible MaSalimo 6 Bible Online

MaSalimo 6 - new_tumbuka_bible bible

MaSalimo 6

¹Kwa uyo wakwimbiska sumu: na vyakwimbira vya malusinga; kwakuyana na kimbiro ka Sheminiti. Salimo la Davide. Mwe FUMU, mungandichenyanga mu ukari winu, nesi kundiranga para mwakwiya.

²Mwe FUMU, ndilengerani lusungu, chifukwa ndine wakuropwa. Mwe FUMU, ndichizgani, chifukwa viwangwa vyane vikusoghoyeka.

³Mtima wane nawo ukusuzgika chomene. Kweni imwe, Mwe FUMU, kasi mpaka pauli?

⁴Zaninge, Mwe FUMU, mundithaske, ndiponoskani chifukwa cha chisungusungu chinu.

⁵Pakuti palije uyo wakumukumbukani para wafwa. Kasi ndi njani uyo wangamurumbani ku malo gha ŵakufwa?

⁶Ndavuka na kutampha kwane. Usiku uliwose nkhuzumbwiska chitara chane na masozi, nkhunyevya apo nkhugona na kulira kwane.

⁷Maso ghane ghachesama chifukwa cha chitima, ghalolotera chifukwa cha ŵarwani ŵane wose.

⁸Fumaniko kwa ine, mose imwe mukuchita uheni, chifukwa FUMU yapulika kulira kwane.

⁹FUMU yapulika kuŵeya kwane, FUMU yapokerera lurombo lwane.

¹⁰Ŵarwani ŵane wose ŵati ŵalengeskeke na kutenthema chomene, ŵati ŵawerere nyuma na kukhozgeka soni mwamabuchibuchi.