Read new_tumbuka_bible MaSalimo 61 Bible Online

MaSalimo 61 - new_tumbuka_bible bible

MaSalimo 61

¹Kwa uyo wakwimbiska sumu: wimbire bango. Salimo la Davide. Mwe Chiuta, pulikani kulira kwane, tegherezgani ku lurombo lwane.

²Nkhuchemerezga kwa imwe, kufuma ku mphererekezgo za charu. Para mtima wane wamara nkhongono, ndirongozgani ku jarawe litali kujumpha ine.

³Pakuti imwe ndimwe chiphokwero chane, chigongwe chakukhora ku ŵarwani.

⁴Zomerezgani kuti ndikhare mu hema linu kwa muyirayira, kuti ndibisame kusi kwa mapapindo ghinu.

⁵Chifukwa imwe, Mwe Chiuta, mwapulika ivyo nkhapangana, mwandipa chiharo cha awo ŵakuchindika zina linu.

⁶Rutizgani umoyo wa karonga, virimika vyakhe vikhalirire kuya kafika ku miwiro na miwiro.

⁷Wakhare pa chizumbe panthazi pa imwe Chiuta kwa muyirayira, langulani kuti chisungusungu na unenesko vimuvikirire.

⁸Ntheura nditi ndimbirenge marumbo zina linu nyengo zose, nga ndi umo nkhufiskira mapangano ghane zuŵa na zuŵa.