Read new_tumbuka_bible MaSalimo 63 Bible Online

MaSalimo 63 - new_tumbuka_bible bible

MaSalimo 63

¹Salimo la Davide apo wakaŵa mu mapopa gha Yudeya Mwe Chiuta, ndimwe Chiuta wane, ine nkhumupenjani chomene. Mzimu wane ukomirwira imwe ndipo thupi lane nalo likunwekera imwe. Ndili nga ndi munthu uyo wakwenda mu mapopa, mu charu cha chinkhamwa uko kulije maji.

²Ntheura nkhunwekera kumuwonani mu nyumba yinu, na kudodoliska nkhongono zinu na uchindami winu.

³Nditi ndimurumbaninge imwe chifukwa chisungusungu chinu nchiweme kuruska umoyo.

⁴Nditi ndimurumbani nyengo yose ndichali na umoyo, nditi ndikwezge mawoko ghane na kumusopani.

⁵Mzimu wane ukukhutiskika na mongo na manuni, ndipo ndimurumbaninge na mazgu gha chimwemwe.

⁶Para ndagona pa chitara chane nkhughanaghana za imwe, nkhulanguruka na za imwe mu maulinda gha usiku.

⁷Pakuti imwe mwaŵa wovwiri wane, nditi ndimbe na kukondwa mu mufwiri wa mapapindo ghinu.

⁸Mzimu wane ukuskepererana na imwe, woko linu la maryero likundikolerera.

⁹Kweni awo ŵakupenja kundikoma, ŵati ŵakhilire ku malo gha ŵakufwa.

¹⁰Iwo ŵati ŵakomekenge na lupanga, ndipo ŵati ŵazgokenge chakurya cha ŵakambwe.

¹¹Kweni karonga wati wasekerere mwa Chiuta, wose awo ŵakurapira mwa iyo, ŵamuchindikenge, kweni milomo ya ŵatesi yizamkujarika.