Read new_tumbuka_bible MaSalimo 64 Bible Online

MaSalimo 64 - new_tumbuka_bible bible

MaSalimo 64

¹Kwa uyo wakwimbiska sumu. Salimo la Davide. Pulikani mazgu ghakudandaula kwane, Mwe Chiuta, sungilirani umoyo wane kuti ndireke kopa murwani.

²Mundibise ku uchigeŵenga wa ku ubende wa ŵaheni, ku vyakunozgera vya awo ŵakuchita uheni.

³Iwo ŵakunora malulimi ghawo nga ndi lupanga, ndipo ŵakundiyowoyera mazgu ghakulasa nga ndi mivwi.

⁴Ŵakuponya kufumira apo ŵakhazga, kwa munthu wambula kalema, ŵakumulasa mwamabuchibuchi, kwambula wofi.

⁵Ŵakukosera mu dazgo lawo liheni, ŵakuyowoyeskana zakuthya misampha ku ubende. Iwo ŵakuti, “Ndi njani wangatiwona.

⁶Ndi njani wangapenjerera mauheni ghithu? Tanozgera mwakuchenjera chomene icho taghanaghana kuchichita.” Maghanoghano na makhumbiro gha mu mtima, ngakuzongoka chomene.

⁷Kweni Chiuta wati waponye mivwi yakhe pa iwo, ndipo iwo ŵati ŵapwetekeke mwa mabuchibuchi.

⁸Iyo wati waŵasakaze chifukwa cha ivyo ŵakuyowoya. Wose awo ŵakuŵawona ŵati ŵapukunyenge mitu yawo.

⁹Ntheura ŵanthu wose ŵati wopenge, ŵati ŵapharazge milimo ya Chiuta, na kughanaghanapo pa icho wachita.

¹⁰Rekani ŵarunji ŵakondwere mwa FUMU, ŵabisame mwa iyo. Rekani wose ŵaweme mtima ŵarumbe.