Read new_tumbuka_bible MaSalimo 65 Bible Online

MaSalimo 65 - new_tumbuka_bible bible

MaSalimo 65

¹Kwa uyo wakwimbiska sumu. Salimo la Davide. Sumu. Mwe Chiuta, imwe mukukhara mu Ziyoni, ŵanthu ŵakwenera kumurumbani, ŵakwenera kufiska mapangano ghawo kwa imwe.

²Mwe, imwe mukupulika malurombo, kwa imwe ndiko ŵanthu wose ŵati ŵizenge.

³Para zakwananga zithu zikaŵa zinandi, imwe mukatigowokera uheni withu.

⁴Ngwakutumbikika uyo mukumusora, na kumusendezgera pafupi na imwe, kuti wakhare mu zimphara zinu. Titi tikhorwe na viweme vya mu nyumba yinu, iyo ndi nyumba yinu yakupatulika.

⁵Mwe Chiuta, Muponoski withu, mukutizgora na milimo yirunji yakuzukumiska, Imwe ndimwe chigomezgo cha ŵanthu wose ŵa charu, na ŵa ku sirya kwa zinyanja za kutali wose.

⁶Imwe na nkhongono yinu muli kwimika mapiri, mukarongora nkhongono zinu zikuru.

⁷Ndimwe mukuchetamiska kupoma kwa zinyanja, kupoma kwa majigha ghawo, na chiwawa cha mafuko gha ŵanthu.

⁸Awo ŵakukhara ku mphererekezgo za charu, ŵakopa vimanyikwiro vyinu. Ndimwe mukuchitiska kuti ŵanthu ŵimbe na chimwemwe, kufuma mafumiro gha dazi mpaka ku manjiliro ghakhe.

⁹Charu mukuchipwererera na kuchithilira maji, imwe ndimwe mukuchisambazga chomene. Mronga wa Chiuta ngwa kuzura na maji, ndipo ŵanthu mukuŵamezgera mbuto, pakuti ntheura ndimo mukuchinozgera charu.

¹⁰Mukuthiramo maji ghanandi umo mwagawurika, mukuwundumula nthusi zakhe, na kuchinyevya na vura ya muswera, ndipo mukutumbika mupozwa wakhe.

¹¹Chirimika mukuchivwarika na viweme vyinu vinandi, mose umo mukwenda imwe mwazura manuni.

¹²Ku maluhari gha mu mapopa kukumera utheka, mapiri nagho ghakujikhozga na chimwemwe.

¹³Madambo ghazura na miskambo ya mberere na mbuzi, ndipo vidika vyazura na vyakurya. Vikuchemerezga na kwimba pamoza, chifukwa cha chimwemwe.