Read new_tumbuka_bible MaSalimo 75 Bible Online

MaSalimo 75 - new_tumbuka_bible bible

MaSalimo 75

¹Kwa uyo wakwimbiska sumu kwakuyana na kimbiro ka sumu yakuti, “Mureke kusakaza.” Salimo la Asafu. Sumu. Tikumuwongani imwe, Mwe Chiuta, tikumuwongani, pakuti zina linu liri pafupi na ise, ndipo tikupharazga milimo yinu yakuzizwiska.

²Chiuta wakuti, “Pa nyengo yakwimikika ndizamkweruzga mu urunji.

³Para charu chikusunkhunyika pamoza na vyose ivyo vilimo, ine ndine nkhukhozga mizati yakhe.

⁴Ine ndine nkhuyowoya ku ŵakujikuzga kuti, ‘Mureke kujikuzga,’ ndipo ku ŵaheni kuti, ‘Mureke kujitukumura chifukwa cha nkhongono zinu.’

⁵Mureke kujitukumura chifukwa cha nkhongono zinu, kulimbana na kuchanya, nesi kuyowoya mwakujikuzga.”

⁶Pakuti kukwezgeka kufuma ku mafumiro gha dazi chara, panji ku manjiliro ghakhe, nesi ku mapopa.

⁷Kweni ndi Chiuta yekha uyo wakweruzga, pakumukhizga yumoza na kukwezga munyakhe.

⁸Mu woko la FUMU muli nkhombo, na vinyo lakututuka leneilo lasazgika makora. Iyo wati wapungulengepo ndipo ŵaheni wose pa charu cha pasi ŵati ŵamwe, kuya kafika pa visika vyakhe.

⁹Kweni ine nditi ndikondwenge kwa muyirayira, nditi ndimbenge sumu za kurumba Chiuta wa Yakhobe.

¹⁰Pakuti Chiuta wati wadumule nkhongono zose za ŵaheni, kweni ŵati ŵasazgireko nkhongono za ŵarunji.