Read new_tumbuka_bible MaSalimo 76 Bible Online

MaSalimo 76 - new_tumbuka_bible bible

MaSalimo 76

¹Kwa uyo wakwimbiska sumu: Wimbire bango. Salimo la Asafu. Sumu. Chiuta ngwa kumanyikwa mu charu cha Yuda, zina lakhe ndakuchindikika mu Israele.

²Iyo wali na chikhazi chakhe mu Yerusalemu, malo ghakhe ghakukharamo ghali mu Ziyoni.

³Mwenemura iyo wakaphyora mivwi yakuwuruka, nguru na malupanga na mahomwa ghose gha ŵarwani.

⁴Imwe Chiuta, ndimwe ŵa uchindami wakuŵala, ŵakuchindikika kuruska mapiri gha mutatakuya.

⁵Vinkhara mukavipoka vinthu vyawo vyakuskogha, ivyo vikagona tulo twakufwa nato. Ŵasilikari wose ŵakatondeka, kuchita kanthu na mawoko ghawo.

⁶Para mukaŵachenya, Mwe Chiuta wa Yakhobe wose ŵakukwera pa mahachi na mahachi ŵakafwa chipoyo.

⁷Nadi, imwe ndimwe mukwenera kopeka, kasi ndi njani wangimilira panthazi pinu, para ukari winu wawuka?

⁸Mukapharazga weruzgi winu kufuma kuchanya, ŵanthu ŵa mu charu ŵakofiwa na kukhara chete,

⁹apo imwe Chiuta mukawuka kuti mweruzge ŵanthu, na kuthaska wose awo ŵakuyuzgika pa charu.

¹⁰Nadi, ukari winu pa ŵanthu, ukupereka marumbo kwa imwe, awo ŵathaskika ku ukari winu, mukuŵaŵika pafupi na imwe.

¹¹Perekani mapangano ghinu kwa FUMU, Chiuta winu, ndipo mughafiske nadi, wose awo ŵamuzingirizga ŵize navyo vyawanangwa, kwa uyo ngwakwenera kopeka.

¹²Iyo wakuchefya nkhongono za ŵakaronga, ndipo ngwakofya ku nduna za charu cha pasi.