Read new_tumbuka_bible MaSalimo 8 Bible Online

MaSalimo 8 - new_tumbuka_bible bible

MaSalimo 8

¹Kwa uyo wakwimbiska sumu: kwakuyana na kimbiro ka Gititi. Salimo la Davide. Mwe FUMU, Chiuta withu, zina linu ndakuzirwa mu charu chose cha pasi, uchindami winu ukurumbika na kuchanya nkhanira.

²Kufuma mu milomo ya ŵana na ŵabonda. Mwazenga linga chifukwa cha awo ŵakwimikana namwe, mwakuti muchetamiske ŵarwani na awo ŵakuwezgera nduzga.

³Para nkhulaŵiska ku mlengalenga winu, uwo mukapanga na mawoko ghinu, mwezi na nyenyezi ivyo muli kuŵika mu malo ghakhe,

⁴kasi munthu ndi njani kuti mumukumbuke, mwana wa munthu ndi njani kuti mumupwererere?

⁵Ndipouli mukamulenga wakucheperako pachoko kwa Chiuta. Mwamuvwarika mphumphu ya uchindami na nchindi.

⁶Mwamupa mazaza pa nchito ya mawoko ghinu, ndipo mwaŵika vyose pasi pa muwuso wakhe,

⁷mberere zose na ng'ombe wuwo, ndiposo na vikoko vya mu thengere,

⁸viyuni vya mudera na somba za mu nyanja, na vyose ivyo vikwenda mu nyanja.

⁹Mwe FUMU, Chiuta withu, zina linu ndakuzirwa mu charu chose cha pasi.