Read new_tumbuka_bible MaSalimo 82 Bible Online

MaSalimo 82 - new_tumbuka_bible bible

MaSalimo 82

¹Salimo la Asafu. Chiuta wakhara mu mphara yakhe yakupatulika, mukati mu ŵangoza wakweruzga, wakuti,

²“Kasi muti mweruzgenge kwambula urunji mpaka pauli, ndipo murongorenge kutemwera ŵanthu ŵaheni mpaka pauli?

³Yeruzgani ŵakutomboroka na ŵalanda mwakunyoroka, yeruzgani mu urunji ŵakusuzgika na ŵasokwano.

⁴Thaskani ŵakutomboroka na ŵakavu, ŵaponoskani ku ŵanthu ŵaheni.”

⁵Iwo kuti ŵakumanya kanthu chara ndipo ŵalije mahara, ŵakuyingayinga mu mdima. Malufura ghose gha charu ghasunkhunyika.

⁶Ine nkhuti, “Imwe ndimwe ŵachiuta. Mose ndimwe ŵana ŵa Chiuta Chikurukuru.”

⁷Ndipouli muti mufwenge nga ŵanthu, muti mumare nga ndi karonga waliyose.

⁸Wukani Mwe Chiuta, yeruzgani charu cha pasi, pakuti mafuko ghose gha ŵanthu, nginu.