Read new_tumbuka_bible MaSalimo 85 Bible Online

MaSalimo 85 - new_tumbuka_bible bible

MaSalimo 85

¹Kwa uyo wakwimbiska sumu. Salimo la ŵana ŵa Kora. Mwe FUMU, mukarongora uweme ku charu chinu, muli kuwezgeramo mauweme kwa Yakhobe.

²Mulikugowokera ubendezi wa ŵanthu ŵinu, muli kuwunda kwananga kwawo kose.

³Mulikuwuskapo ukari winu wose, muli kuzgokako ku ukari winu wakofya.

⁴Mutiwezgeremo, Mwe Chiuta, Muponoski withu, ndipo mureke kutikwiyira.

⁵Kasi mutikwiyirenge ise kwa muyirayira? Kasi muti murutilire kuŵa ŵakari ku miwiro yose?

⁶Kasi muti mutisisipuskeso chara, mwakuti ŵanthu ŵinu ŵakondwenge mwa imwe?

⁷Mwe FUMU, tirongorani chisungusungu chinu, ndipo mutipe chiponosko chinu.

⁸Rekani ndipulike icho FUMU Chiuta wati wayowoye, chifukwa wati wayowoyenge vya mutende ku ŵanthu ŵakhe, ku ŵakupatulika ŵakhe, ŵeneawo mitima yawo yili kuzgokera kwa iyo.

⁹Nadi, chiponosko chili pafupi kwa awo ŵakumopa iyo, mwakuti uchindami wakhe ukhare mu charu chithu.

¹⁰Chisungusungu na kugomezgeka viti vikumane, urunji na mutende viti vifyofyonthane.

¹¹Kugomezgeka kuti kuphuke mu charu, ndipo urunji uti ulaŵiskenge pasi kufuma kuchanya.

¹²Nadi, FUMU yiti yipereke vinthu viweme, ndipo charu chithu chiti chiŵenge na fumpha.

¹³Urunji uti udangirirenge FUMU, na kuyinozgera nthowa kuti yendengemo.