Read new_tumbuka_bible MaSalimo 87 Bible Online

MaSalimo 87 - new_tumbuka_bible bible

MaSalimo 87

¹Salimo la ŵana ŵa Kora. Sumu. Msumba uwo Chiuta wakazenga uli pa phiri lakupatulika.

²FUMU yikutemwa vipata vya Ziyoni, kuruska malo ghose agho kukukhara ŵaYakhobe.

³Iwe msumba wa Chiuta, vinthu vya kuchindikika vikuyowoyeka na za iwe.

⁴“Mukati mwa awo ŵakundimanya, nkhuzunurapo Rahabu na Babuloni. Wonani, Filisitiya, Ture na Etiyopiya ŵakuti, ‘Munthu uyu wakababika kwenekura.’ ”

⁵Ndipo pakuyowoya za Ziyoni ŵamkuyowoya kuti, “Uyu na uyo ŵakababika mwa iyo, pakuti Chiuta Chikurukuru iyomwene, ndiyo wati wawukhozge msumba ura.”

⁶FUMU yikuŵaŵanika apo yikulemba ŵanthu, pakuyowoya kuti, “Uyu wababikira kwenekura.”

⁷Ŵimbi ŵa zisumu na ŵakuvina wuwo ŵakuti, “Mbwiwi zane zose zili mwa iwe.”