Read new_tumbuka_bible MaSalimo 95 Bible Online

MaSalimo 95 - new_tumbuka_bible bible

MaSalimo 95

¹Zaninge, tiyeni tiyimbire FUMU. Tichemerezge na chimwemwe ku jarawe, chiponosko chithu.

²Tiyeni tifike panthazi pakhe na kumuwonga, tichemerezge na chimwemwe kwa iyo, pakwimba sumu zakurumba.

³Pakuti FUMU ndi Chiuta mukuru, ndi Karonga mukuru wakuruska ŵangoza wose.

⁴Kunyang'amira kwa charu kuli mu mawoko ghakhe. Mapiri ghatali nagho ngakhe.

⁵Nyanja njakhe, pakuti ndiyo wakayilenga, pakuti mawoko ghakhe ghakalenga mtunda womizo.

⁶Zaninge, tiyeni tiyilambire na kuyisopa, tijikame pa maso pa FUMU, Mlengi withu.

⁷Pakuti iyo, ndi Chiuta withu, ise ndise ŵanthu ŵa mu luhari lwakhe, mberere izo zili mu mawoko ghakhe. Muhanya uno mupulike mazgu ghakhe.

⁸Mureke kunonofya mitima yinu, nga ndi umo mukachitira ku Meriba kura, nga mpha zuŵa lira, ku Masa mu mapopa,

⁹para ŵasekuru ŵinu ŵakandavya na kundiyezga, nangauli ŵakawona milimo yane.

¹⁰Pa virimika 40 nkhaŵiniwa na muwiro ura. Ntheura nkhati, “Aŵa mbanthu ŵa kupuruka mu mtima, ndipo ŵakulorako na nthowa zane chara.”

¹¹Ntheura mu ukari nkharapa, nkhati, “Na pachoko pose, iwo ŵati ŵanjiremo mu chipumulo chane chara.”