Read new_tumbuka_bible MaSalimo 97 Bible Online

MaSalimo 97 - new_tumbuka_bible bible

MaSalimo 97

¹FUMU ndiyo yikuwusa. Charu cha pasi chisekerere, virwa vikondwere.

²Maŵingu na mdima wa bii, vyamuzingirizga, urunji na weruzgi wakunyoroka ndi lufura lwa chizumbe chinu.

³Moto ukumudangirira, ndipo ukocha ŵarwani ŵakhe zingirizge.

⁴Ŵaleza ŵakhe ŵakungweruska charu chose cha pasi. Charu chikuwona na kutenthema.

⁵Mapiri ghakusongonoka nga ndi phula panthazi pa FUMU, panthazi pa FUMU yakuwusa charu chose.

⁶Vya kuchanya vikupharazga urunji wakhe, ŵamitundu wose ŵakuwona uchindami wakhe.

⁷Wose awo ŵakusopa ŵangoza, ŵakukhozgeka soni, ŵeneawo ŵakujikuzgira mu ŵangoza ŵawakawaka, pakuti ŵangoza wose ŵakuthera kwa FUMU.

⁸Ŵanthu ŵa ku Ziyoni wakupulika ndipo ŵakukondwa, ndipo ŵa mu vikaya vya charu cha Yuda ŵakusekerera, chifukwa cha weruzgi winu, Mwe FUMU.

⁹Pakuti imwe, Mwe FUMU, ndimwe Chiuta Chikurukuru, wakuwusa charu chose cha pasi. Ndimwe ŵapachanya kuruska ŵachiuta wose.

¹⁰FUMU yikutemwa awo ŵakutinkha uheni, yikusunga umoyo wa ŵakupatulika ŵakhe, yikuŵathaska ku ŵanthu ŵaheni.

¹¹Ungweru ukuŵaŵalira ŵanthu ŵarunji, ndipo chimwemwe chikuŵa na ŵanthu ŵa mitima yakunyoroka.

¹²Kondwerani mwa FUMU, imwe mwa ŵarunji, muwonge zina lakhe lituŵa.