Read new_tumbuka_bible Mupharazgi 11 Bible Online

Mupharazgi 11 - new_tumbuka_bible bible

Mupharazgi 11

¹Teŵeterani ndarama zinu mu malonda gha pa nyanja, pakuti pamanyuma pa mazuŵa ghanandi mwizamkusanga chandulo.

²Upereke phande ku ŵanthu ŵankhonde na ŵaŵiri panji ŵankhonde na ŵatatu pakuti ulije kumanya kaheni ako kamkuŵapo pa charu.

³Usange maŵingu ghazura na maji, vura yikuwa pa charu. Khuni usange lawira ku mwera panji ku mpoto, pa malo apo lawira ndipo likugonera.

⁴Uyo wakulindira kuti mphepo yiŵe makora kuti wati waseŵe mbuto zakhe chara. Uyo wakulaŵiska maŵingu kuti ghaŵe makora kuti wati wavune chara.

⁵Nga ndi umo ulije kumanyira na umo mzimu ukunjirira mu thupi la mwana mu nthumbo ya mwanakazi murwari, ntheuraso ndimo ulije na kumanyira na mlimo wa Chiuta mweneuyo wakuchita vinthu vyose.

⁶Na macherochero useŵenge mbuto zako ndipo na mise ureke kukhara waka chifukwa ulije kumanya iyo yamkukura makora, kwali ndi iyi panji ndi yira, pakunji zose ziŵiri wuwo ziti zikule makora.

⁷Ungweru nguweme, ndipo maso ghakukondwa para ghakulaŵiska dazi.

⁸Usange munthu wakhara virimika vinandi, mulekeni wakondwenge navyo, kweni wakumbukenge kuti mazuŵa gha chisi ghamkuŵa ghanandi para wafwa. Vyose ivyo vikwiza nvya wakawaka.

⁹Iwe munyamata, usekererenge mu uwukirano wako, ndipo mtima wako usangwenge mu nyengo ya uwukirano wako na ya wanichi wako. Wendenge mu nthowa iyo mtima wako ukunwekera, yeneiyo maso ghako ghakukhumba. Kweni manya kuti vyose ivi Chiuta wamkukhumba kuti uvipataure.

¹⁰Fumyako kukweŵeka ku mtima wako, ndipo uwuskemo vyakuŵinya mu thupi lako. Pakuti uwukirano na wanichi, vyose nvyawakawaka.