Read new_tumbuka_bible Mupharazgi 3 Bible Online

Mupharazgi 3 - new_tumbuka_bible bible

Mupharazgi 3

¹Pa charu kanthu kose kali na nyengo yakhe na yakhe, ndipo kose ako kakuchitika kali na nyengo yakhe.

²Pali nyengo ya kubabikira, na nyengo ya kufwira; nyengo ya kupandira, na nyengo ya kuvunira.

³Pali nyengo ya kukomera, na nyengo ya kuchizgira; nyengo ya kubwangandulira, na nyengo ya kuzengera.

⁴Pali nyengo ya kulirira, na nyengo ya kusekera; nyengo ya kutengera, na nyengo ya kuvinira.

⁵Pali nyengo ya kuparanyira mawe, na nyengo ya kughawunjikira, nyengo ya kuvumbatirana, na nyengo ya kureka kuvumbatirana.

⁶Pali nyengo ya kupenjera, na nyengo ya kunangira, nyengo ya kusungilira, na nyengo ya kutayira.

⁷Pali nyengo ya kupalulira, na nyengo ya kusonera, nyengo ya kukhalira chete, na nyengo ya kuyowoyera.

⁸Pali nyengo ya kutemwera, na nyengo ya kutinkhira, nyengo ya nkhondo, na nyengo ya mutende.

⁹Kasi munthu chikumwandulirachi kuteŵeta milimo yakhe ya kuvuska?

¹⁰Ndawona milimo iyo Chiuta wapereka ku ŵanthu kuti ŵatangwanikenge nayo.

¹¹Chiuta wali kuŵika kanthu kalikose pa nyengo yakhe yakwenerera. Wali kupereka khumbiro la kumanya vya muyirayira. Ndipouli munthu kuti wangamanyiska fikepo chara milimo ya Chiuta kufuma ku jando mpaka ku umaliro.

¹²Nkhumanya kuti palije kanthu kaweme kanyakhe ku ŵanthu kwakuruska kuti ŵajikondweske na kusekerera mu umoyo wawo wose.

¹³Ndiposo nchawanangwa chakufumira kwa Chiuta kuti munthu waliyose waryenge, wamwenge na kusekerera mu milimo yakhe yose.

¹⁴Nkhumanya kuti chose icho Chiuta wakuchita chikukhalirira kwa muyirayira. Palije kanthu ako kangasazgikirako, nanga nkhuwuskikako. Chiuta wali kuchita ntheura mwakuti ŵanthu ŵamuchindikenge iyo.

¹⁵Chilichose icho chikachitika kale, chikuchitika sono. Chilichose icho chizamkuchitika munthazi, chili kuchitikapo kale kunyuma. Chiuta wakupanga kuti chinthu chimoza pera chichitikenge kaŵirikaŵiri.

¹⁶Ndiposo nkhawona pa charu cha pasi kuti uko kukwenera kuŵa weruzgi wakunyoroka, kuliso ubendezi. Uko kukwenera kuŵa urunji, kuliso ubendezi.

¹⁷Nkhayowoya mu mtima wane, nkhati, “Chiuta wamkweruzga ŵarunji na ŵaheni wuwo, pakuti ndiyo wali kwimikira nyengo kanthu kalikose ndiposo na mlimo uliwose.”

¹⁸Kwakuyana na ŵanthu, nkhayowoya mu mtima wane kuti Chiuta wakuŵayezga kuti waŵarongore kuti iwo ŵakulingana waka na vinyama.

¹⁹Pakuti icho chikuwira ŵanthu chikuwiraso na vinyama wuwo. Umo ŵanthu ŵakufwira, ndimo vinyama navyo vikufwira. Vyose vili na muvuchi wa umoyo wakuyana waka munthu kuti wakuruska vinyama chara. Pakuti vyose nvya wakawaka.

²⁰Vyose vikuruta ku malo ghamoza. Vyose vili kufuma ku fuvu, ndipo vyose vikuwereraso ku fuvu.

²¹Kasi ndi njani wakumanya usange mzimu wa munthu ukukwerera kuchanya ndipo mzimu wa chinyama ukukhilira kusi ku charu?

²²Ntheura nkhawona kuti palije chinthu chiweme chakuruska kuti munthu wakondwere mu mlimo wakhe, pakuti kukondwa ndiyo njombe yithu. Kasi ndi njani wangaphara icho chikuchitika kwa ise para tafwa?