Read new_tumbuka_bible Mupharazgi 6 Bible Online

Mupharazgi 6 - new_tumbuka_bible bible

Mupharazgi 6

¹Uheni unyakhe uwo ndawuwona pa charu weneuwo ukunyekezga ŵanthu ndi uwu:

²munthu mweneuyo Chiuta wamupa usambazi, vyuma, na nchindi, mwakuti iyo kuti wakusoŵerwa kanthu chara mu vyose ivyo mtima wakhe ukukhumba. Ndipouli Chiuta walije kumupa mwaŵi kuti wakondwere navyo kweni mulendo ndiyo wakukondwera navyo. Ichi nchawakawaka ndipo ndi suzgo lakuŵinyiska mtima.

³Munthu wangababa ŵana 100, na kukhara virimika vinandi chomene. Nanga virimika vya umoyo wakhe vingaŵa vinandi uli, usange munthu yura wakukondwera chara na vinthu ivyo nviweme mu umoyo wa munthu, ndipo wakufwa kwambula kusungika makora, ine nkhuti nanga ndi nthayo yili makorako kwakuruska iyo.

⁴Nthayo yikwiza chinthu chawakawaka na kuruta mu chisi, ndipo zina lakhe likubenekerereka na chisi.

⁵Yilije kuliwona dazi nanga nkhumanya kanthu kalikose. Ndipouli yili na chipumulo kwakuruska munthu yura.

⁶Nanga munthu yura wakharenge virimika vikwi viŵiri, ndipouli kuti wakuwonapo kaweme chara. Asi wose ŵakuya ku malo ghamoza?

⁷Munthu wakuchita mlimo wakuvuska mwakuti wasange chakurya ndipouli kuti wakukhutiskika chara.

⁸Kasi wa mahara wakumuruska uli uyo nchindere? Ndipo kasi mukavu wakwandulapochi pakumanya umo wangakhalira panthazi pa ŵanyakhe?

⁹Nkhuweme kuwona waka vinthu na maso kuruska kulamphalampha kwa mtima. Ichi nacho nchawakawaka ndipo ndi kusuzgikirapo waka.

¹⁰Chilichose icho chiliko chili kuthyika kale zina ndipo kaŵiro ka munthu nkhakumanyikwa, ndiposo kuti iyo walije kumanya kulimbana na uyo ngwa nkhongono kwakuruska iyo.

¹¹Para mazgu ghaŵa ghanandi, vyawakawaka navyo vikuŵa vinandi. Kasi munthu wakusangapo chandulo uli?

¹²Pakuti ndi njani wangamanya icho nchiweme ku munthu. Iyo wakukhara mazuŵa ghachoko waka mu umoyo wakhe wa wakawaka weneuwo ukwenda luŵiro nga ndi muzgezge. Ndi njani wangamanya kumuphalira munthu icho chizamkuŵako pa charu para iyo wafwa?