Read new_tumbuka_bible Sumu Yikuru 7 Bible Online

Sumu Yikuru 7 - new_tumbuka_bible bible

Sumu Yikuru 7

¹Iwe uli nga ndi mwana mwanakazi wa karonga, nako nkhutowa kwa malundi ghako mu skapato! Vigha vyako vyakutowa vili nga ndi vitowelo, mlimo wa mawoko gha nkhwantha.

²Mumbwera wako uli nga ndi bakule wakuwulungana, uwo ngwambula kusoŵerwa vinyo liweme. Nthumbo yako ndi mulu wa tirigu, uwo wazingirizgika na maluŵa.

³Maŵere ghako ghali nga ndi twana tuŵiri twa nyiska, twana twa mleza twa mbaŵara.

⁴Singo yako yili nga ndi msonjo wa minyanga ya zovu. Maso ghako ghali nga ndi viziŵa mu Heshiboni, ivyo vili pafupi na chipata cha Bati Rabimu. Mphuno yako yili nga ndi chigongwe cha Lebanoni, kuthyana na msumba wa Damaseko.

⁵Mutu wako ukuwonekera pachanya, nga ndi Phiri la Karimele. Sisi lako lakupotana ndakubiriŵira makora, Karonga wakuwojeka na kutowa kwakhe.

⁶Wakutowa na wakukondweska ndiwe, iwe wakutemweka wane, mwali uyo nkhucha nayo.

⁷Ndiŵe wakunyoroka nga ndi mukama, maŵere ghako ghali nga ndi makunje gha vipambi vyakhe.

⁸Nkhati nditi ndikwere khuni ili la mukama, na kutora vipambi vyakhe. Maŵere ghako ghali nga ndi makunje gha mpheska, kununkhira kwa muvuchi wako kuli nga ndi mararanje.

⁹Mufyofyontho wako, uli nga ndi vinyo liweme chomene. Vinyo ilo likukhilira makora pa wakutemweka wane, likhilire makora mu milomo na mu mino ghakhe.

¹⁰Ndine wakhe wa wakutemweka wane, khumbiro lakhe lose liri pa ine.

¹¹Zanga, wakutemweka wane, tiye tirute ku minda, tikatandare usiku wose mu vikaya.

¹²Tiye ticherere kuruta ku minda ya mpheska, tikawone usange mpheska zamba kuphuka. Tikawone usange maluŵa ghamba kumasura, usange magalagadeya ghamba kuŵala maluŵa. Kwenekura ndamkukupa kutemwa kwane.

¹³Munkhwara wa chinthemwa, ukupereka sungu liweme. Pa miryango yithu pali vipambi vyose viweme, vyakomira na viphya wuwo, ivyo ndakusungira iwe wakutemweka wane.