Read new_tumbuka_bible Yesaya 18 Bible Online

Yesaya 18 - new_tumbuka_bible bible

Yesaya 18

¹Soka ku awo ŵakukhara mu charu cha mphomo ya ngaraŵa, icho chili ku sirya kwa mironga ya Etiyopiya.

²Charu ichi chikutuma nkharamba zakhe, izo zikwenda mu ngaraŵa za matete pa mronga wa Nayelo. Rutani luŵiroluŵiro imwe nthumi, ku ŵanthu ŵatali na ŵa mathupi gha skee, ŵeneawo ŵakopeka na ŵanthu ŵa pafupi na ŵa kutali. Ichi ndi charu cha nkhongono na chakusakaza, ndipo chili pakatikati pa mironga yiŵiri.

³Tegherezgani mose ŵa mu charu, mwaŵeneimwe mukukhara mu charu cha pasi. Para mwamkuwona ndembera ya nkhondo yakwezgeka pa mapiri, mukalaŵisiske! Para mbata yamkulira, mukategherezge.

⁴Icho FUMU yikayowoya kwa ine ndi ichi, “Ine ndamkukhara chete na kulaŵiska pasi, kufuma kuchanya uko nkhukhara. Ndamkuŵa nga ndi chithukivu chakuŵala kwa muhanya, panji nga ndi maŵingu gha maji pa nyengo ya kuvuna.

⁵Pakuti pambere yindambe nyengo ya kuvuna, maluŵa nagho ghayoyoka ndipo luŵa likuzgoka mpheska zakuphya, iyo wizamkuphatilira pasi tuminthavi na mphopo, ndipo wizamkudumulako minthavi iyo yatandazgika.

⁶Vitanda vya ŵasilikari ŵizamkurekeka mu mapiri, kuŵa chakurya cha viyuni ivyo vikurya nyama na cha vinyama vya mu thengere. Viyuni ivyo vikurya nyama vizamkuryanga mathupi ghawo mu nyengo ya chihanya, ndipo vinyama vya mu thengere vizamkuryanga mu nyengo ya chifuku.”

⁷Pa nyengo iyo vyawanangwa vizamkuperekeka kwa FUMU Mwenenkhongono zose. Vyawanangwa ivi vizamkufuma ku ŵanthu ŵatali, na ŵa mathupi ghakunyiririka, kufuma ku awo ŵanthu ŵakuwopa ŵa pafupi na ŵa kutali, ku fuko lankhongono na lakuthereska, leneilo charu chakhe chili kugaŵika na mironga. Vyawanangwa ivi vyamkutorekera ku Phiri la Ziyoni, gheneagho ndi malo gha FUMU ya Yankhongono zose.