Read new_tumbuka_bible Yesaya 31 Bible Online

Yesaya 31 - new_tumbuka_bible bible

Yesaya 31

¹Soka kwa awo ŵakuruta ku charu cha Eguputo, kuti ŵakapokeko wovwiri. Iwo ŵakugomezga mahachi, ŵakugomezgaso unandi wa magareta gha nkhondo ghawo, na mu nkhongono za ŵasilikari ŵakukwera mahachi. Kweni ŵakugomezga Mutuŵa Yura wa Israele chara, nesi kupenja wovwiri kwa FUMU chara.

²Ndipouli, FUMU nja vinjeru, yikwiza na visuzgo, yikufiska mazgu agho yayowoya. Ŵanthu awo ŵakuchita uheni yiti yimikane nawo, nanga ndi awo ŵakovwira awo ŵakuchita ubendezi.

³ŴaEguputo mbanthu waka, kuti ndi Chiuta chara, ndipo mahachi ghawo ndi nyama waka, kuti ndi mzimu chara. Para FUMU yikurongora nkhongono yakhe, fuko ilo likovwira linyakhe liti litondeke, ndipo ilo likovwirika liti liwe, ndipo ghose ghaŵiri ghati ghamare petu pamoza.

⁴Pakuti FUMU yikayowoya kwa ine kuti, “Nga ndi umo nkharamu panji nkharamu yiwukirano, yikubangulira para yakora nyama, ndipo nanga ŵaliska ŵanandi ŵangiza kuti ŵayichimbizge, iyo kuti yikutenthema na kupoma kwawo chara nanga nkhulorako na chiwawa chawo.” Ntheura ndimo FUMU Mwenenkhongono zose yiti yizirenge, kuti yizakarwe pa Phiri la Ziyoni na pa tumapiri twakhe.

⁵Nga ndi umo tuyuni tukuwurukira pachanya pa vivimbo vyawo, ntheura ndimo FUMU Mwenenkhongono zose, yiti yivikirire msumba wa Yerusalemu. Iyo yiti yiwuvikirire na kuwuthaska, yiti yijumphe pachanya pakhe na kuwuponoska.

⁶FUMU yikuti, “Imwe ŵaIsraele, mwandigarukira chomene ine. Kweni sono wererani kwa ine.

⁷Pakuti mu zuŵa leneilo, munthu waliyose wa imwe wati watayenge ŵachiuta ngoza ŵakhe ŵa siliva na ŵa golide, ŵeneawo mukapanga na mawoko ghinu ghakwananga.

⁸ŴaAsiriya ŵizamkukomeka na lupanga, kweni na nkhongono za munthu chara. Ŵizamkukomeka na lupanga leneilo kuti nda munthu chara. Ŵizamkuchimbira ku nkhondo, ndipo ŵanyamata ŵawo ŵizamkuchita mlimo wakuchichizga.

⁹Karonga wawo wizamkuchimbira chifukwa cha wofi, ndipo na wofi ukuru ŵarongozgi ŵa ŵasilikari ŵakhe, ŵizamkuzireka ndembera za nkhondo na kuchimbira. Ntheura ndimo yikuyowoyera FUMU, iyo moto wakhe uli mu Phiri la Ziyoni, ndipo ng'anjo yakhe yili mu msumba wa Yerusalemu.”