Read new_tumbuka_bible Yesaya 42 Bible Online

Yesaya 42 - new_tumbuka_bible bible

Yesaya 42

¹Chiuta wakuti, “Wonani muteŵeti wane uyo nkhumufighilira, wakusoreka wane uyo nkhucha nayo. Mwa iyo nditi ndiŵike Mzimu wane, ndipo wati wapereke weruzgi wakunyoroka ku mafuko ghose.

²Iyo kuti wati wabangulenge nesi kuchemerezga chara, mazgu ghakhe ghapulikikwe mu misewu chara.

³Thete lakuphwanyika, kuti wati waliphyore chara, nanga nkhuzimya chisunda chakugolera pachokopachoko. Mu kugomezgeka wati wize na weruzgi wakunyoroka.

⁴Iyo kuti wati wagongowenge panji kutaya mtima chara, wasuke wimike weruzgi wakunyoroka mu charu, Ŵanthu ŵa mu mphepete mwa nyanja ŵaŵike chigomezgo chawo, mu marango ghakhe.”

⁵FUMU Chiuta uyo wakalenga mtambo na kuwutandaula, uyo wakalenga charu na vyose ivyo vikumera mwenemumo, uyo wakupereka muvuchi ku awo ŵakukhara mu charu, uyo ŵakupereka umoyo ku awo ŵakwenda mwenemumo wakuti,

⁶“Ine ndine FUMU, ndakuchema kuti upereke weruzgi wakunyoroka, nditi ndikukore pa woko na kukusungilira. Ndakusankha kuti uŵe phangano ku ŵanthu ŵane, na kuŵa ungweru ku ŵamitundu.

⁷Iwe wizamkujula maso gha awo mbachiburumutira, wizamkufumya awo ŵali mu umikori mu gadi, ndipo wizamkufumya awo ŵali mu mdima wa bii.

⁸“Ine ndine FUMU. Zina lane ndeneliri. Uchindami wane kuti nkhupereka ku munyakhe chara, nanga ndi marumbo ghane kuti nkhupereka ku vikozgo vyakuŵaja.

⁹Wonani, vinthu vya kale vyafiskika, nkhuvipharazga vinthu viphya. Pambere vindawoneke, nkhuviphara kwa imwe.”

¹⁰Yimbirani FUMU sumu yiphya, perekani marumbo kwa iyo kufumira ku mphererekezgo za charu cha pasi. Yirumbani iyo imwe mukwenda pa nyanja. Yirumbani iyo imwe mose vilengiwa vya mu nyanja. Yirumbani imwe mukukhara mu mphepete mwa nyanja, na imwe mukukhara mwenemumo.

¹¹Ŵanthu ŵa mu chiparamba na ŵa mu misumba yakhe, ŵakwezge mazgu ghawo, ŵa vikaya vya Kedara ŵasekerere. Awo ŵakukhara mu msumba wa Sela ŵimbe na chimwemwe, ŵachemerezge pa mapiri pachanya pakuyirumba FUMU.

¹²Ŵanthu aŵa ŵayichindike FUMU, ŵapharazge marumbo ghakhe mu mphepete mwa nyanja.

¹³FUMU yizamkurwa nkhondo nga ndi chinkhara, nga ndi musilikari wankhongono uku yakaripa chomene. Na mazgu ghakuru yizamkuchemerezga chomene, ndipo yizamkurongora nkhongono ku ŵarwani ŵakhe.

¹⁴Chiuta wakuti, “Kwa nyengo yitali ndajikora waka, ndakhara chete, kwambula kuchitapo kanthu. Kweni sono ndichemerezgenge nga ndi mwanakazi para wali pafupi kubaba. Nditi nditamphe na kuŵeŵefuka.

¹⁵Nditi ndiparanye mapiri na tumapiri, na komizga vyakumera vyawo vyose, ndizamkuyizgora mironga kuŵa virwa, na komizga viziŵa.”

¹⁶“Ndizamkurongozgera ŵachiburumutira, mu nthowa iyo wandayimanye. Mu tunthowa uto ŵandendemo na kale, ndiko ndamkuŵarongozgera. Ndamkuzgora mdima panthazi pawo kuŵa ungweru, na kughawunda malo agho ngakujimika. Vinthu vyeneivi ndivyo ndichitenge, kuti ndirekengeko na chimoza chara.

¹⁷Kweni awo ŵakugomezga mu vikozgo, awo ŵakuti ku vikozgo, ‘Imwe ndimwe ŵachiuta ŵithu,’ ŵizamkuwezgeka na kukhozgeka soni chomene.”

¹⁸Chiuta wakuti, “Pulikani imwe ŵakumangwa makutu, Laŵiskani, imwe ŵachiburumutira mwakuti muwone.

¹⁹Kasi wachiburumutira ndi njani, asi ndi muteŵeti wane? Panji uyo ngwa kumangwa makutu, asi ndi thenga ilo nkhulituma? Kasi ndi njani uyo ngwachiburumutira, nga ndi muteŵeti wane uyo wakujipereka, panji uyo ngwachiburumutira, nga ndi muteŵeti wa FUMU?

²⁰Iwe wawona vinandi chomene, kweni wasungapo na chimoza chara. Makutu ghako ngakujurika, kweni kuti wapulikapo na chimoza chara.”

²¹FUMU yikakondwa chifukwa cha urunji wakhe, kuti likuzge marango ghakhe na kughachindamiska.

²²Kweni aŵa ndi ŵanthu awo ŵali kuskogheka na kukwapulika vinthu vyawo. Wose ŵali kuwira mu zimbuna, na kubisika mu gadi. Ŵazgoka kuŵa nga ndi nyama iyo yakoreka, yeneiyo yilije na uyo wangajithaska. Ŵaŵa nga ndi chakuskogha, icho palije munthu uyo wangayowoya kuti, “Chiwezgeke.”

²³Kasi ndi njani mukati mwinu uyo wati wategherezge ku cheneichi, panji kujipereka kuti wachipulike ichi pamanyuma pakhe?

²⁴Kasi ndi njani uyo wakapereka Yakhobe ku ŵakuskogha, ndipo Israele kwa awo ŵakwiba? Asi ndi FUMU iyo tikayinangira. Pakuti ŵakakana kwenda mu nthowa zakhe, na kureka kupulikira marango ghakhe.

²⁵Ntheura yikapungulira pa iwo ukari wakhe ukuru, uwo ukawoneka mu zinkhondo zakofya. Yikaŵabuskira moto zingirizge, kweni kuti ŵakapulikiska chara. Nkhondo zikaŵamara, ndipouli kuti ŵakachiŵikapo ku mtima chara.