Read new_tumbuka_bible Yeremiya 45 Bible Online

Yeremiya 45 - new_tumbuka_bible bible

Yeremiya 45

¹Mu chirimika cha chinayi icho Yehoyiyakimu mwana wa Yosiya wakaŵira karonga wa charu cha Yuda, Baruki mwana wa Neriya, wakalemba mu buku mazgu agho Yeremiya wakamuyowoyera.

²“FUMU, Chiuta wa Israele wakuti kwa iwe Baruki:

³Iwe ukuti, ‘Soka kwa ine, pakuti FUMU yandisazgirako vitima ku vyakuŵinya vyane. Ndavuka na kutampha ndiposo kuti nkhupumula na pachoko pose chara.’ ”

⁴FUMU yikuti, “Iwe ukayowoye ntheura kwa iyo: Wona icho nkhazenga, nkhubwangandulira pasi, ndipo icho nkhapanda nkhuchizgura. Nditi ndichite ichi mu charu chose.

⁵Kasi iwe ukujipenjera vinthu vikuru? Ureke kujipenjera vyeneivi pakuti ndizamkutuma visuzgo pa ŵanthu wose. Kweni iwe umoyo wako uŵenge nga ndi chakuskogha ku nkhondo kulikose uko uti urute.” Ntheura ndimo FUMU yikuyowoyera.