Read new_tumbuka_bible Yeremiya 47 Bible Online

Yeremiya 47 - new_tumbuka_bible bible

Yeremiya 47

¹Agha ndi mazgu gha FUMU agho ghakiza kwa Yeremiya gha vya ŵaFilisiti, Faro pambere wandaparanye msumba wa Gaza.

²FUMU yikuti, “Wonani ŵarwani ŵakwiza kufuma ku mpoto, nga ndi maji kufuma mu mronga wakufurukira. Ghizamkufurukira pa charu na pa vyose ivyo vili mwenemumo, pa msumba na pa awo ŵakukhara mwenemumo. Ŵanthu ŵizamkuchemerezga, ndipo wose awo ŵakukhara mwenemumo ŵizamkutengera,

³para ŵakupulika mphomo ya vikandiro vya ŵakavalo ŵanarume, kuchimbira kwa magareta, na kuwuruma kwa mikombero yawo. Ŵadada ŵakughanaghana za ŵana ŵawo chara, pakuti mawoko ghawo ghalije nkhongono.

⁴Pakuti zuŵa litizenge, kwiza kaparanya ŵaFilisiti wose, kwiza kawuskamo mu Ture na mu Sidoni, movwiri yose uyo wakharako. Pakuti FUMU ndiyo yikuparanya ŵaFilisiti, ŵakukharako ŵa mu chirwa cha Kafitoro.

⁵Ŵanthu ŵa mu Gaza ŵameta mupara, ŵa mu Ashikeloni ŵakharenge chisisi. Imwe ŵaFilisiti ŵakukharako ŵa mu madambo, kasi muti mujichekecheke mpaka pauli?

⁶Imwe mukulira mukuti, ‘Iwe lupanga lwa FUMU, kasi upumulenge pauli? Ujinjizge mu chibazi chako, ukhare mwenemumo na kupumula.’ ”

⁷Kasi lupanga lungapumula uli, apo FUMU ndiyo yalutuma? Yili kululangula kulimbana na ŵa mu Ashikeloni, na ŵa mu mphepete mwa nyanja.