Read new_tumbuka_bible Ezekiyele 15 Bible Online

Ezekiyele 15 - new_tumbuka_bible bible

Ezekiyele 15

¹Mazgu gha FUMU agho ghakiza kwa ine ndi agha,

²“Iwe mwana wa munthu, kasi khuni la mpheska likuruska uli makuni ghanyakhe ghose? Kasi munthavi wa mpheska ukuruska uli minthavi ya makuni ghanyakhe ghose gha mu thengere?

³Kasi ŵakutorako khuni la mpheska na kupangira kanthu? Kasi munthu wangatora khuni la mpheska na kupanga chinthu kuti wapayikepo vinthu?

⁴Likuŵa khuni lakubuskira moto. Sono para moto wamyangura ku umaliro kwakhe kose ndipo chapakati chakhe chanyeka, kasi khuni ili likuŵa na nchito yinyakhe?

⁵Para khuni ili likaŵa lose la msuma, likaŵavye na nchito yiliyose, asi liŵenge la wakawaka chomene para laphya na kunyeka na moto. Kuti lingaŵa na nchito yiliyose chara.”

⁶“Ntheura FUMU Chiuta wakuti, ‘Nga ndi umo ndabuskira khuni la mpheska pa moto ilo liri mukati mu makuni gha mu thengere, ndimo nditi ndichitirenge na awo ŵakukhara mu msumba wa Yerusalemu.

⁷Ine nditi ndimikane nawo. Nangauli ŵangapona ku moto, ndipouli moto ndiwo wamkuŵamyangura. Penepapo ndipo mwamkumanya kuti ine ndine FUMU para ndimikana nawo.

⁸Ine nditi ndizgore charu chawo kuŵa mapopa chifukwa chakuti ŵandagomezge mwa ine.’ ” Ntheura ndimo FUMU Chiuta wakuyowoyera.