Read new_tumbuka_bible Hoseya 3 Bible Online

Hoseya 3 - new_tumbuka_bible bible

Hoseya 3

¹FUMU yikayowoyaso kwa ine yikati, “Rutaso kwa muwoli wako. Ukamutemwe mwanakazi muzaghali mweneuyo wakutemweka na munthu munyakhe. Umutemwe nga ndi umo ine FUMU nkhutemwera ŵaIsraele nangauli iwo ŵakusopa ŵachiuta ŵanyakhe na kutemwa kupereka sembe za vingwa vipapati vya mpheska zakwanika.”

²Ntheura nkhamulowora pakupereka ndarama 15 za siliva ndiposo na homeri limoza na hafu la nyauti.

³Nkhamuphalira mwanakazi yura kuti, “Iwe ukwenera kukhara nga ndi muwoli wane kwa mazuŵa ghanandi na kureka uzaghali. Ureke kugonana na mwanarume waliyose nanga ndingaŵa ine.”

⁴Pakuti ŵaIsraele ŵati ŵakharenge mazuŵa ghanandi kwambula kuŵa na karonga panji nduna, kwambula kupereka sembe panji kwimika mawe ghakusoperapo nanga nkhuŵa na chakuvwara cha efodi panji twangoza twakuchemeka terafimu.

⁵Pamanyuma ŵaIsraele ŵamkuwerera na kupenja FUMU, Chiuta wawo ndiposo na wa mu mphapu ya Davide karonga wawo. Pa nyengo iyo ŵizamkuthera kwa FUMU na kupokera vyawanangwa vyakhe.