Read new_tumbuka_bible Ŵaroma 10 Bible Online

Ŵaroma 10 - new_tumbuka_bible bible

Ŵaroma 10

¹Mwa ŵabali, na mtima wane wose ndakhumbanga, ndipo nkhuromba kwa Chiuta, kuti Israele waponoskeke.

²Chifukwa nkhuŵapanikizgira kuti ŵali na phamphu pa vya Chiuta, kweni phamphu lawo ndambula umanyi.

³Pakuwura kumanyiska urunji uwo ukufuma kwa Chiuta, ndipo pakupenja kwimika urunji wawo na wawo wakatondeka kujilambika ku urunji wa Chiuta.

⁴Chifukwa Khristu wali kumarizga urato wa marango, mwakuti yose uyo wakupulikana, Chiuta wamurunjiske.

⁵Mozesi wakalemba na vya urunji uwo munthu wangaŵa nawo pakusunga dango apo wakati, “Munthu uyo wakuchita ivyo dango likukhumba, wati waŵenge wamoyo.”

⁶Kweni urunji uwo ukufumira mu chipulikano ukuti, “Ungayowoyanga mu mtima wako kuti, ‘Ndi njani wati wakwerere kuchanya?’ ” (Ndiko kuti wamukhizgira pasi Khristu.)

⁷Panji kuyowoya kuti, “Ndi njani wati wakhilirenge ku malo gha ŵakufwa?” (Ndiko kuti wamuwuska Khristu ku ŵakufwa).

⁸Kweni mazgu ghakuti uli? Mazgu ghakuti, “Mazgu gha Chiuta ghali pafupi na iwe, ghali pa mlomo wako na mu mtima wako.” Agha ndigho mazgu gha chipulikano agho tikupharazga.

⁹Ndipo usange ukuzomera na mlomo wako kuti Yesu ndi Fumu, ndipo ukupulikana mu mtima wako kuti Chiuta wakamuwuska ku ŵakufwa, uti uponoskeke.

¹⁰Chifukwa na mtima, munthu wakupulikana ndipo ntheura wakurunjiskika. Na mlomo wakhe, wakuzomera chipulikano chakhe na kuponoskeka.

¹¹Chifukwa malembo ghakuti, “Yose uyo wakupulikana nayo, kuti wakhozgekenge soni chara.”

¹²Chifukwa palije mphambano pakati pa ŵaYuda na ŵamitundu. Pakuti Chiuta ndi Fumu ya wose ndipo yikuŵatumbika awo ŵakuyichema.

¹³Nga ndi umo kuli kulembekera kuti “Yose uyo wakuchema zina la Fumu, wamkuponoskeka.”

¹⁴Kasi ŵanthu ŵangayichema uli Fumu yeneiyo ŵalije kupulikana nayo? Kasi ŵangapulikana nayo uli Fumu usange ŵandayipulikepo na kale? Kasi ŵangapulika uli vya iyo usange palije munthu wakuŵapharazgira?

¹⁵Kasi ŵanthu ŵangapharazga uli kwambula kuti ŵatumika? Nga ndi umo kuli kulembekera kuti, “Nako nkhutowa kwa thenga ilo likwiza na Uthenga Uweme.”

¹⁶Kweni kuti ndi wose ŵakapokerera Uthenga Uweme chara, chifukwa Yesaya wakati, “Fumu, kasi ndi njani uyo wali kupulikana na Uthenga Uweme kufuma kwa ise?”

¹⁷Ntheura chipulikano chikwiza para munthu wapulika mazgu ndipo mazgu ghakwiza para ŵanthu ŵapharazga Khristu.

¹⁸Kweni nkhufumba nkhuti: kasi nadi ŵandapulike mazgu chara, mazgu ŵali kupulika nga ndi umo kuli kulembekera kuti, “Ndipo lizgu lawo likapulikikwa mu charu chose cha pasi, mazgu ghawo ghakaya kafika mpaka ku mphererekezgo za charu.”

¹⁹Nkhufumbaso nkhuti: kasi ŵaIsraele ŵakapulikiska chara? Mozesi ndiyo wakudanga kuzgorapo kuti, “Nditi ndimwavyirani ku sanje ku awo kuti ndi fuko chara ndipo nditi ndimuzgoraninge kuŵa ŵakari na fuko lakupusa.”

²⁰Kweni Yesaya ngwachikanga pakuyowoya kuti, “Ndasangika na awo kuti ŵakandipenja chara. Nkhajirongora ndekha ku ŵanthu awo kuti ŵakandipenjanga chara.”

²¹Kweni pakuphara za ŵaIsraele wakuti, “Nyengo yose nkhatandaula mawoko ghane ku ŵanthu awo ŵakawura kundipulikira na ŵachigaruka.”