Read new_tumbuka_bible 2 ŴaKorinte 13 Bible Online

2 ŴaKorinte 13 - new_tumbuka_bible bible

2 ŴaKorinte 13

¹Aka nkha chitatu kwiza kwa imwe. Malembo ghakuti, “Mrandu wose uwo ŵakumupacha nawo munthu, ukwenera kukhozgeka na upanikizgi wa ŵakaboni ŵaŵiri panji ŵatatu.”

²Nkhachenjezga awo ŵakananga kale pamoza na ŵanyawo wose ndipo nkhuŵachenjezga sono apo ine palije, nga ndi umo nkhachitira apo nkhaŵapo pa ulendo wane wa chiŵiri kuti para nkhwizaso ndizamkuŵareka chara,

³Pakuti mukupenja chipanikizgo icho chikurongora kuti Khristu wakuyowoya mwa ine. Iyo kuti ngwa kutomboroka chara, pa ivyo wakuchita namwe, kweni wakurongora nkhongono mwa imwe.

⁴Pakuti wakapayikika pa mphinjika mu kutomboroka ngwamoyo mu nkhongono za Chiuta. Pakuti tili wakutomboroka mwa iyo, kweni pakovwirana namwe tamkuŵa na umoyo pamoza nayo mu nkhongono za Chiuta.

⁵Mujisande mwekha kuti mujiwone usange muchali nacho chipulikano. Mujipime mwekha. Kasi mukupanikizga chara kuti Yesu Khristu wali mukati mwinu? Usange ndi ntheura chara, ipo mwatondeka.

⁶Nkhugomezga muti musangenge kuti ise tilije kutondeka.

⁷Sono tikuromba Chiuta kuti mureke kwananga. Kuti nkhwakuti tiwoneke nga ndi para tindakumane na viyezgo chara, kweni kuti imwe muwoneke kuti mukuchita icho nchiweme nanga ise tingaŵa nga tikutondeka.

⁸Chifukwa tingachita chilichose chara icho chikwimikana na unenesko, kweni kurutirizga unenesko.

⁹Pakuti tikusekerera para tili ŵakutomboroka, kweni imwe muli ŵankhongono. Icho tikuromba ncha kuti muŵe ŵakufikapo.

¹⁰Nkhulemba ichi apo ndili kutali na imwe, mwakuti para ndafika ndireke kurongora ukari pa mazaza agho Fumu yili kundipa kuti ghaŵe ghakuzengera, ghakubwangandulira chara.

¹¹Pa umaliro mwa ŵabali, nkhuti paweme. Jitozgani kuti muŵe ŵakufikapo. Sungilirani ivyo ndamuyowoyerani, muŵe ŵa mtima umoza na kukhara mu mutende. Ndipo Chiuta uyo ngwa kutemwa na wa mutende waŵenge namwe.

¹²Tauzganani na kutemwa kwenecho pakufyofyonthana.

¹³Ŵatuŵa wose ŵakumutauzgani.

¹⁴Uchizi wa Fumu Yesu Khristu, na kutemwa kwa Chiuta, na wenenawene wa Mzimu Mutuŵa, viŵenge na imwe mose.